12:33 15 Sentyabr 2019
Efir
  • RUB142.96
  • EUR10360.56
  • USD9395.63
Opustevshaya stroyka

"Oʻzboshimchalik oqibati": Samarqandda noqonuniy qurilgan koʻp qavatli uylar buzilmoqda

Yangiliklar
Havola olish
38210

Viloyat hokimligi masʼullari oʻzboshimchalik bilan qurilgan boshqa uylarning ham qurilish meʼyorlariga zid boʻlgan qismlari buzilishini taʼkidlagan

TOSHKENT, 21 may - Sputnik. Samarqand shahrida noqonuniy qurilgan koʻp qavatli uylarning buzilishi boshlandi, deb xabar qildi "Zarafshon" gazetasi.

Shaharda noqonuniy qurilgan 159 ta obʼyektda aniqlangan qonunbuzarliklarning oldini olish boʻyicha aniq chora-tadbirlar belgilan boʻlib, shundan 18 tasi respublika miqyosida, 141 tasi viloyat miqyosida hal etilishi boʻyicha xulosalar taqdim etilgan.

Viloyat hokimligi tomonidan taqdim qilingan maʼlumotlarga koʻra, Samarqand shahrida qurilgan koʻp qavatli turar va noturarjoy binolari qurilishida aniqlangan kamchiliklarni bartaraf etish boʻyicha ishchi guruh shtabi tashkil qilingan hamda viloyat hokimligining chora-tadbirlar rejasi ishlab chiqilgan.

Qurilish vazirligi hamda viloyat hokimligi bilan birgalikda 18 ta obʼyektning yuqori qavatlarini buzish va boshqa tadbirlarni amalga oshirish boʻyicha loyiha ishlab chiqish uchun "Toshgiprogor" aktsiyadorlik jamiyati, "ToshuyjoyLITI" aktsiyadorlik jamiyati va "ToshkentboshplanLITI" davlat unitar korxonasi biriktirilgan. Loyiha institutlari tomonidan ishlab chiqilgan loyiha-smeta hujjatlariga asosan 56 milliard soʻm tovon puli va 17,0 milliard soʻm buzish ishlariga mablagʻ zarurligi aniqlangan.

Samarqand shahar Mironshoh koʻchasi 4-manzilda joylashgan, "Afrosiyob Xosiyat begim makoni" masʼuliyati cheklangan jamiyatiga qarashli koʻp qavatli uy yuqoridagi tilga olingan 18 ta obʼyektning biri hisoblanadi. 20 may kuni ushbu koʻp qavatli uyda buzish ishlari boshlandi.

Qurilish vazirligi hamda viloyat hokimligi tomonidan 18 ta obʼyektning yuqori qavatlarini buzish uchun 7 ta pudrat tashkilotlari biriktirilgan.

Viloyat hokimligi masʼullari oʻzboshimchalik bilan qurilgan boshqa uylarning ham qurilish meʼyorlariga zid boʻlgan qismlari buzilishini taʼkidladi.

B.SAFAROV.

Asosiy mavzular