15:11 15 Avgust 2020
Efir
  • RUB138.65
  • EUR12059.09
  • USD10231.71
Yangiliklar
Havola olish
486 0 0

Aktsiya 28 may kuni soat 15:00da butun respublika boʻylab onlayn tarzida oʻtkaziladi. 25 may soat 12.04 holatiga koʻra, 3104 kishi undan roʻyxatdan oʻtgan.

TOSHKENT, 25 may - Sputnik. Alisher Navoiy nomidagi Toshkent davlat Oʻzbek tili va adabiyoti universiteti professor oʻqituvchilari tashabbusi bilan oʻzbek tilining ijtimoiy mavqeini yanada mustahkamlash va yozma savodxonlikni rivojlantirish maqsadida Diktant.uz loyihasi amalga oshirilmoqda.

Ikkinchi marotaba tashkil etilayotgan ushbu loyiha mamlakatda istiqomat qilayotgan fuqarolarning yozma savodxonligini oshirishga qaratilgan.

Aktsiya shu yilning 28 may kuni soat 15:00da Toshkent davlat Oʻzbek tili va adabiyoti universiteti tomonidan butun respublika boʻylab onlayn tarzida oʻtkaziladi.

Xabarga koʻra, Toshkent shahrida Toshkent davlat Oʻzbek tili va adabiyoti universitetida bosh shtab tashkil etiladi, hududlardagi OTMlarda ham shtablar tashkil etiladi.

Respublika boʻylab manzillar roʻyxati mana bu yerda keltirilgan.

25 may soat 12.04 holatiga koʻra, 3104 kishi undan roʻyxatdan oʻtgan. Aktsiyada ishtirok etish istagini bildirganlar www.diktant.uz saytida roʻyxatdan oʻtishlari mumkin.

Asosiy mavzular