Mehnat vaziri O‘zbekistonda qaysi sohalarda kadrlar tanqis ekanini aytdi

© Sputnik / Dilshoda RaxmatovaGlava Ministerstva zanyatosti i trudovix otnosheniy Sherzod Kudbiyev
Glava Ministerstva zanyatosti i trudovix otnosheniy Sherzod Kudbiyev - Sputnik O‘zbekiston
Obuna bo‘lish
Vazirga ko‘ra, qariyb 150 mingga yaqin o‘rtacha oylik to‘lanadigan vakansiyalarga mutaxassis yo‘q

TOShKENT, 12-iyun - Sputnik, Dilshoda Rahmatova. O‘zbekistonda axborot texnologiyalari va qishloq xo‘jaligi sohasidagi ishchilarga talab yuqoriligicha qolmoqda. Bu haqda O‘zbekiston Mehnat va bandlik vazirligi rahbari Sherzod Kudbiyev ma’lum qildi, deb xabar bermoqda Sputnik O‘zbekiston muxbiri.

Uzbekskie jenshini beseduyut na ulitse - Sputnik O‘zbekiston
O‘zbekiston ayollari ishlashi mumkin bo‘lgan kasblar ro‘yxati qayta ko‘rib chiqilmoqda

"Ish beruvchilarimizda "qanoat hosil qila olmaganlik sindromi" mavjud. Bir tomondan 1,5 millionga yaqin, aniq qilib aytganda, 1 million 391 ming ishsizlarimiz bor, lekin shu bilan birga qariyb 150 mingga yaqin o‘rtacha oylik to‘lanadigan vakansiyalarga mutaxassis topa olmayapmiz", - dedi vazir.

Kudbiyevning aytishicha, bu yerda gap yuqori malaka talab etiladigan mutaxassislar haqida emas, balki oddiy kasb egalari haqida bormoqda: ya’ni bugun O‘zbekistonda veterinar, traktorchi, mexanizator, svarshik, santexnik, tikuvchilar hamda IT-texnologiyalari sohasidagi kadrlarga ehtiyoj yuqori.

Vazirga ko‘ra, 2019-yilda O‘zbekistonda WorldSkills International (kasbiy tayyorgarlik standartlari va ishchilar kasbiy mahoratini oshirish hamda ishchi kasblarni ommalashtirish bilan shug‘ullanadigan tashkilot) standartlari bo‘yicha rivojlanish mexanizmlari joriy etiladi, ayni vaqtda milliy kasbiy mahorat tizimi kiritilgan.

Mamlakatdagi mehnat organlari qo‘lida zamonaviy kasbga o‘qitish mexanizmi hozir ham mavjud emas, endigina ushbu yo‘nalishda ishlab boshlab yuborilgan, deydi Kudbiyev.

"Agar ta’lim tizimi mehnat bozoriga ish beruvchilarni talablari asosida mutaxassislarni tayyorlab bermas ekan, u holda mehnat bozoridagi vaziyat tangligicha qolaveradi. Oqsoq ta’lim tizimi sifatsiz kadrlarni tayyorlayveradi, sifatsiz kadrlar esa - ishsizlik muammosi demakdir", - deya ta’kidlaydi Mehnat vazirligi rahbari.

O‘zbekiston ish bozorida bugun qaysi kasb egalariga talab yuqoriligini Sputnik infografikasida tomosha qiling >>>

Yangiliklar lentasi
0