07:34 16 Iyun 2019
Efir
  • RUB131.33
  • EUR9652.52
  • USD8518.68

MGIMO Toshkent filiali hujjatlar qabul qilishni boshlaydi

© Sputnik / Vitaliy Belousov
Yangiliklar
Havola olish
123 0 0

Ushbu oliy oʻquv yurtida taʼlim olishga qaror qilganlar 15 iyundan 1 iyulgacha hujjatlar topshirishi mumkin.

TOSHKENT, 13 iyun - Sputnik. Joriy yil 15 iyundan Moskva davlat xalqaro munosabatlar institutining (MDXMI) Toshkent filiali abituriyentlardan bakalavriat va magistratura yoʻnalishlari boʻyicha hujjatlar qabul qilishni boshlaydi. Bu haqda filialning rasmiy sayti xabar qildi.

Ushbu oliy oʻquv yurtida taʼlim olishga qaror qilganlar 15 iyundan 1 iyulgacha bakalavriatning “Biznes-informatika” yoʻnalishi, 15 iyundan 20 iyulga qadar esa magistraturaning “Huquq” va “Biznes-informatika” yoʻnalishiga hujjatlar topshirishi mumkin.

Hujjatlar roʻyxati, oʻquv yili dasturlari, qabul qilish tartibi va qabul komissiyalari manzillari haqidagi batafsil maʼlumotni quyidagi elektron manzil orqali olish mumkin.

Sentyabr oyidan MGIMOning Toshkentdagi filiali faoliyatini boshlaydi

Eslatib oʻtamiz, avvalroq MDXMI rektori Anatoliy Torkunov Sputnik Oʻzbekiston muxbiriga bergan intervyusida taʼlim shakli kunduzgi boʻlib, talabalar bakalavr va magistr dasturlari boʻyicha toʻlaqonli taʼlim olish imkoniga ega boʻlishi hamda oliygoh tarmoqli taʼlim shaklini faol yoʻlga qoʻyishni rejalashtirayotganini aytib oʻtgan edi. U kelajakda ushbu filial nafaqat Oʻzbekiston, balki boshqa davlat fuqarolari orasida ham shuhrat qozonishiga ishonch bildirgan edi.

Asosiy mavzular