TOShKENT, 15-iyun - Sputnik. Andijon shahrida ko‘p qavatli uyning tom qismida yuz bergan yong‘inning taxminiy sababi elektr simlarining qisqa tutashuvi yonib zararlanganligida, deb xabar bermoqda O‘zbekiston davlat yong‘in xavfsizligi xizmati.
Xabarda aytilishicha, 2019-yilning 15-iyun kuni soat 09:10da Andijon viloyati YoXB Kuch va vositalarni boshqarish va muvofiqlashtirish markaziga Andijon shahar Yoyilma MFY hududida joylashgan 4 qavatli (60 ta xonadonli) 1-uyning tom (chordoq) qismida yong‘in sodir bo‘layotganligi haqida xabar kelib tushgan.
Voqea joyiga 8 ta asosiy yong‘in o‘chirish avtoekipajlari va 2 ta avtonarvon yuborilgan.
Yong‘in o‘chirish ekipajlari soat yetti daqiqada yetib borgan, ko‘rilgan tezkor harakatlar natijasida soat 09-35 da yong‘in qurshab olingan va 09-55 da to‘liq bartaraf etilgan.
Yong‘indan 1-uyga tutash qurilgan ko‘p qavatli 2-uyning 480 kv.metr maydonda tom qismi saqlab qolingan. Tan jarohati olganlar va halok bo‘lganlar yo‘q.
Yong‘in oqibatida 1-uyning 480 kv.metr maydonda yog‘och konstrutsiyalardan qurilib, tunika bilan yopilgan tom qismi yonib zararlangan. Yong‘inning taxminiy sababi elektr simlarining qisqa tutashuvi. Moddiy zarar miqdori aniqlanmoqda.
