TIV Qozog‘istonga yo‘l olgan fuqarolarni ogohlantirdi

Obuna bo‘lish
Kuchli jazirama harorat Qozog‘istonning qator hududlarida kutilmoqda.

TOShKENT, 1-iyul – Sputnik. O‘zbekiston TIV Qozog‘istonga yo‘l olgan fuqarolarga ogohlantirish bilan chiqdi.

O‘zbekistonning Olmaota shahridagi Bosh konsulxonasi ma’lumotiga ko‘ra, Qozog‘iston sinoptiklarining ogohlantirishicha, 1-iyul kuni Qizilo‘rda viloyatida va Turkiston viloyatining ayrim joylarida harorat 45-47 darajagacha ko‘tariladi. Kuchli jazirama harorat Olmaota, Jambul viloyatlarida, Qo‘stanay va Qarag‘andi viloyatlari ayrim joylarida kutilmoqda.

Flag respubliki Yujnaya Koreya - Sputnik O‘zbekiston
TIV Koreyaga ketayotgan o‘zbekistonliklarga muhim ogohlantirish bilan chiqdi

Shuningdek, Qizilo‘rda, Turkiston, Jambil viloyatlarida, Aqto‘be, Qo‘stanay, Olmaota viloyatlari ayrim joylarida favqulodda yong‘in xavfi saqlanib qolmoqda.

Shu munosabat bilan Tashqi ishlar vazirligining Konsullik-huquqiy departamenti Qozog‘istonga yo‘l olgan yoki ko‘rsatilgan viloyatlarida bo‘lib turgan O‘zbekiston fuqarolariga tegishli ehtiyot choralarini ko‘rishni tavsiya qiladi.

Konsullik-huquqiy departamenti Qozog‘istonda bo‘lib turgan O‘zbekiston fuqarolari zarur hollarda O‘zbekistonning Nur-Sulton shahridagi elchixonasi (Nur-Sulton, Aqmola, Shimoliy Qozog‘iston, Pavlodar, Qo‘stanay va Qarag‘anda viloyatlari, tel.: +7-717-295-42-52), Aktau shahridagi Bosh konsulxona (Aqto‘be, Atirau, G‘arbiy Qozog‘iston va Mangistau viloyatlari, tel .: +7-729-277-71-17), Olmaota shahridagi Bosh konsulxonaga (Olmaota shahri, Chimkent shahri, Olmaota viloyati, Sharqiy Qozog‘iston, Turkiston, Jambil va Qizilo‘rda viloyatlari, tel.: +7-727-291- 11-78) murojaat qilishlari mumkinligini eslatib o‘tgan.

Yangiliklar lentasi
0