16:30 15 Avgust 2020
Efir
  • RUB138.65
  • EUR12059.09
  • USD10231.71
Yangiliklar
Havola olish
258 0 0

Chegirmalar 31 avgustdan 3 sentyabrga qadar respublika aholisi va xorijlik sayyohlar uchun barcha ichki yoʻnalishdagi qatnovlarga taqdim etiladi.

TOSHKENT, 1 avg – Sputnik. “Oʻzbekiston havo yoʻllari” MAK Oʻzbekiston mustaqilligining 28-yilligini nishonlash munosabati bilan joriy yilning 31-avgustidan 3-sentyabriga qadar respublika aholisi va xorijlik sayyohlar uchun barcha ichki yoʻnalishdagi qatnovlarga 30 foizdan 50 foizgacha boʻlgan bayram chegirmalarini taqdim etadi.

Bayram chegirmalari:

- Individual yoʻlovchilar uchun - 30%;

- Sayyohlik guruhlari (5 va undan ortiq kishi), litsey va Oliy oʻquv yurtlari, kollejlar talabalari, maktab oʻquvchilari,OʻzR IIV, TV, DXX, DSQ, DBQ tizimlaridagi maxsus taʼlim muassasalari va boshqa idoralarning tinglovchi va oʻquvchilari uchun - 40%;

- Oila uchun (2 yoki undan koʻp odam, shuningdek, er va xotin; er, xotin va ularning 18 yoshgacha boʻlgan farzandlari; 18 yoshgacha boʻlgan farzandini kuzatib boradigan ota-onalar) - 50%;

- Nafaqaxoʻrlar va nogironlar uchun - 50%;

- 1941-1945-yillardagi urush qatnashchilari va ularga tenglashtirilgan, shuningdek, Ikkinchi jahon urushi davridagi fidokorona mehnati va harbiy xizmati uchun orden va medallar bilan taqdirlangan shaxslar uchun - 50%;

- Chernobil AES fojiasi oqibatlarini bartaraf etishda ishtirok etgan fuqarolarimiz uchun - 50%;

Qayd etilishicha, chegirmali aviabiletlarni “Oʻzbekiston havo yoʻllari” Milliy aviakompaniyasining aviabiletlarni sotish markaziy ofisi va Oʻzbekiston aeroportlari kassalarida chegirmalarni olish huquqini beruvchi, tegishli hujjatlarni taqdim etgan holda xarid qilish mumkin.

Asosiy mavzular