TIV Turkiyaga ketayotgan fuqarolarga muhim ogohlantirish bilan chiqdi

Obuna bo‘lish
Istanbulda noqonuniy yurgan xorijiy fuqarolarni aniqlash va ularni mamlakatdan chiqarib yuborish borasida transport vositalarida, ish va yashash hamda jamoat joylarida muntazam tekshiruvlar olib borilmoqda.

TOShKENT, 3 sen – Sputnik. O‘zbekiston Tashqi ishlar vazirligi Turkiyada bo‘lib turgan yoki u yerga bormoqchi bo‘lgan fuqarolarga murojaat qildi.

TIV xabarida qayd etilishicha, hozirgi paytda Turkiyaning Istanbul shahrida huquqiy tartib va qonun ustuvorligini ta’minlash borasida zarur chora-tadbirlar amalga oshirilmoqda.

Shu maqsadda shaharda noqonuniy yurgan xorijiy fuqarolarni aniqlash va ularni mamlakatdan chiqarib yuborish borasida transport vositalarida, ish va yashash hamda jamoat joylarida muntazam tekshiruvlar olib borilmoqda.

Ta’kidlanishicha, huquqni muhofaza qiluvchi idoralar tomonidan xorijiy fuqarolarga qo‘yilgan talablar va zarur meyoriy hujjatlarni o‘rganish va vatandoshlarni huquqbuzar holatiga tushib qolishini oldini olish maqsadida O‘zbekistonning Istanbul shahridagi Bosh konsulxonasi shahar Xavfsizlik boshqarmasi va migratsiya xizmati rahbariyati bilan uchrashuvlar o‘tkazgan.

Vzriv v Stambule - Sputnik O‘zbekiston
Turkiyadagi O‘zbekiston fuqarolariga pasportga oid muhim eslatma bilan murojaat qilindi

Turk mutaxassislarining ta’kidlashicha, aksar xorijiy fuqarolar Turkiyada yashash huquqini beruvchi (ikamet izni) va ishlashga ruxsat beruvchi (çalişma izni) hujjatlar farqini bilmaydi.

Qonunga muvofiq yashash huquqini beruvchi hujjatga ega chet el fuqarolari Turkiya hududida ishlashni istasalar, albatta, qo‘shimcha ishlashga ruxsat beruvchi hujjatlarga ham ega bo‘lishlari shart. Aks holda, ular qonunni buzgan hisoblanadi va ularga nisbatan choralar ko‘riladi.

Ma’lumki, 2018-yilning oktabr oyidan boshlab Turkiya O‘zbekiston fuqarolariga Turkiya hududida 90 kun davomida vizasiz yurishga ruxsat berish to‘g‘risida qaror qabul qilgan. Bu muddat Turkiyada ishlash maqsadida kelgan xorijiy fuqarolarga yashash huquqi va ishlashga ruxsat beruvchi hujjatlarni rasmiylashtirish uchun yetarli muddat hisoblanadi.

Bundan tashqari Turkiyaning xorijiy mamlakatlardagi diplomatik vakolatxonalarida turk ish beruvchilari bilan ikki tomonlama shartnomalar tuzish orqali Turkiyaga kelishidan oldin ham ishlash huquqini beruvchi hujjatlarini rasmiylashtirish imkoniyati mavjud. Bu esa, ishlashga kelmoqchi bo‘lgan fuqarolarning ishini sezilarli darajada osonlashtiradi.

Shu munosabat bilan Bosh konsulxona Turkiyada bo‘lib turgan yoki u yerga bormoqchi bo‘lgan O‘zbekiston fuqarolarini barcha kerakli hujjatlarni o‘z vaqtida rasmiylashtirishga va mamlakatda mavjud qonun-qoidalarga rioya qilishga chaqirgan.

Zarur holatlarda fuqarolar O‘zbekistonning Anqara shahridagi Elchixonasi Konsullik bo‘limiga (0312) 441-17-46, e-mail: uzconsul.ankara@gmail.com, факс: +90 312 442 70 58) yoki Istanbul shahridagi Bosh konsulxonasiga(+90 212 323-20-37, faks:+90 212 312 20 40, e-mail:uzbekconsul@yahoo.com) мурожаат qilishlari mumkin.

Yangiliklar lentasi
0