07:24 19 Oktyabr 2019
Efir
  • RUB147.25
  • EUR10438.58
  • USD9455.24
 Afganskiye politseyskiye v Kabule.

Afgʻoniston hukumati AQSH va toliblar oʻrtasida tuzilgan bitim loyihasidan tashvishda

© AFP 2018 / SHAH MARAI
Yangiliklar
Havola olish
238 0 0

Ilgariroq, AQSH va "Tolibon" oʻrtasida 11ta banddan iborat bitim loyihasi kelishilgani, kelishuv jarayoni nihoyasiga yetgach, AQSH davlat kotibi Mayk Pompeo va "Tolibon" harakatining Doxadagi siyosiy ofisi rahbari Mulla Barodar tomonidan imzolanishi belgilangan

TOSHKENT, 4 sen - Sputnik. Afgʻoniston hukumati AQSH va "Tolibon" radikal harakati oʻrtasida kelishilgan bitim loyihasi oqibatlaridan tashvishdaligini bildiradi, deb bayonot berdi Afgʻoniston prezidentining vakili Sedik Seddiki.

"Afgʻoniston hukumati tinchlik jarayonida barqaror tinchlikni taʼminlaydigan va urushga barham beradigan har qanday oʻsishni qoʻllab-quvvatlaydi, lekin Afgʻoniston hukumatining asosiy tashvishi AQSH va toliblar oʻrtasidagi bitim bilan bogʻliqdir", - deb yozgan Seddiki oʻzining Twitterida.

U, asosiy tashvishlar bitim bilan bogʻliq asosiy xatarlar qanday bartaraf etilishi haqidaligini taʼkidlab oʻtdi.

"Afgʻoniston hukumati tashvish tortmoqda va shu bois, ushbu hujjatning aniq izohlab berilishini talab qiladi, toki biz keraksiz xatarlarni tahlil qilib chiqib, xavfli oqibatlar paydo boʻlishining oldini olmogʻimiz darkor", - deb qoʻshimcha qildi u.

Ilgariroq, AQSH va "Tolibon" oʻrtasida 11ta banddan iborat bitim loyihasi kelishilgani, kelishuv jarayoni nihoyasiga yetgach, AQSH davlat kotibi Mayk Pompeo va "Tolibon" harakatining Doxadagi siyosiy ofisi rahbari Mulla Barodar tomonidan imzolanishi belgilangan.

AQSH va "Tolibon" radikal harakati Qatarda oʻnta muzokaralar jarayonini oʻtkazdilar. Tomonlar amerika qoʻshinlarining mamlakatdan chiqarilishi muddatlari xususida aniq kelishuv imzolashni rejalashtirmoqda. Buning evaziga Afgʻoniston hududi AQSH va boshqa mamlakatlarga hujum maqsadida ishlatilmasligi kafolati zarur. Garchi AQSH yakuniy tartibga solish jarayonida afgʻon hukumati ham ishtirok etishi lozimligini talab qilgan boʻlsa ham, Afgʻoniston hukumati ushbu muzokaralarda ishtirok etmayapti.

Asosiy mavzular