18:42 18 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
89 0 0

Tadbirlarda mahalliy va xorijiy energiya tejaydigan uskunalar ishlab chiqaruvchilari oʻz mahsulotlarini namoyish etmoqda.

TOSHKENT, 7 noyab – Sputnik. Joriy yil 15 noyabrgacha Energetika vazirligi va Iqtisodiyot va sanoat vazirligi tomonidan respublikaning barcha viloyatlarida energiya samaradorligiga bagʻishlangan qoʻshma savdo yarmarkalari va davra suhbatlari boʻlib oʻtmoqda.

Tadbirlarning asosiy maqsadi iqtisodiyot tarmoqlari va ijtimoiy sohalarning energiya samaradorligini oshirish, energiya tejaydigan texnologiyalarni joriy qilish va qayta tiklanadigan energiya manbalarini rivojlantirish boʻyicha respublika boʻylab joriy etilayotgan va rejalashtirilgan chora-tadbirlar bilan ishtirokchilarni yaqindan tanishtirishdan iborat.

Birinchi davra suhbatlari va savdo yarmarkalari Nukus, Urganch, Namangan, Fargʻona, Buxoro kabi shaharlarda boʻlib oʻtdi. Noyabr oxiriga qadar tadbirlar Navoiy, Samarqand, Qarshi, Toshkent, Nurafshon (Toshkent viloyati), Termiz, Guliston va Jizzaxda rejalashtirilgan.

Oʻrtacha har bir shaharda savdo yarmarkasi va davra suhbatlarida 300 dan 500 tagacha ishtirokchilar qatnashayotganligi xabar qilinmoqda. Tadbirlarda mahalliy energiya tejaydigan uskunalar ishlab chiqaruvchilari oʻz mahsulotlarini namoyish etmoqda. Savdo yarmarkasida ishtirok etayotgan kompaniyalar qatorida «Elektroapparat» kompaniyalar guruhi, «Quyosh Issiqlik Enerjiasi» qoʻshma korxonasi, «Artel» kompaniyalar guruhi, «E-cover», «Mega Trans Energy» MCHJ, QIE solar technology», «Endüstriyel Elektrik», «Solar Power», MCHJ, OFTOB NUR MCHJ Artel kompaniyalar guruhi, High light technology, Solar Sity Solutions MCHJ, Vitech kompaniyalar guruhi, Panelplast QK MCHJ va boshqalar.

Yarmarkalardan soʻng davra suhbatlari boʻlib, unda viloyat, shahar va tuman hokimliklari rahbarlari, tadbirkorlar, hududiy va viloyat elektr tarmoqlari va gaz taʼminoti korxonalari rahbarlari, sanoat korxonalari, ishtirok etuvchi banklar, shuningdek OAV vakillari ishtirok etmoqda.

Asosiy mavzular