18:59 18 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
142 0 0

Muzokaralar davomida Oʻzbekiston va Xitoy oʻrtasida qatnovchi aviakompaniyalarning reyslarini haftasiga 15 tagacha oshirishga kelishib olindi. Reyslar Pekin shahridagi yangi “Dasin” xalqaro aeroportiga oʻtkaziladi.

TOSHKENT, 7 noyab – Sputnik. Pekinda Oʻzbekiston va Xitoy Xalq Respublikasi aviatsiya hukumatlari oʻrtasida muzokaralar boʻlib oʻtdi.

Oʻzbekiston Transport vazirligi delegatsiyasi Xitoy fuqaro aviatsiyasi bilan uchrashuvi chogʻida aviatsiya qatnovlari sohasidagi ikki tomonlama munosabatlarning bugungi holati va manfaatli hamkorlikni rivojlantirish istiqbollari muhokama qilindi.

Xususan, Xitoy va Oʻzbekiston oʻrtasidagi parvozlarni koʻpaytirish, tayinlangan aviakompaniyalarning parvozlar geografiyasini kengaytirish va amalga oshirilayotgan reyslarni Pekin shahridagi yangi “Dasin” xalqaro aeroportiga oʻtkazish masalalari yuzasidan oʻzaro fikr almashildi.

Muzokaralar yakunida Oʻzbekiston va Xitoy oʻrtasida qatnovchi aviakompaniyalarning reyslarini haftasiga 15 tagacha oshirish, ikki davlat aviatsiya hukumati oʻrtasidagi mavjud kelishuvga Pekin, Urumchi, Shanxay, Guanchjou, Tyanzin kabi ruxsat etilgan shaharlar qatoriga aviakompaniyalar parvozlarni amalga oshirishda Tsian, Sanya, Iu va Chendu shaharlarini qoʻshish masalasida ham kelishib olindi.

Aviakompaniyalar reyslarini Pekin shahridagi yangi “Dasin” xalqaro aeroportiga oʻtkazish yuzasidan kelishuvga erishildi.

Asosiy mavzular