13:41 19 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
161 0 0

Deputatlikka nomzodning fikricha, Sergeli nomini Istiqbol deya oʻzgartirish har tomondan maqsadga muvofiqdir.

TOSHKENT, 26 noya - Sputnik. "Adolat" sotsial- demokratik partiyasidan deputatlikka nomzod Rustam Umarov Sergeli tumanining nomini oʻzgartirishni taklif qildi, deb xabar qilmoqda "Halq soʻzi" nashri.

Nomzodning fikricha, tumaning atalishi asl nomidan uzoqlashib, oʻzgarib ketgan. Yaʼni Sirgʻali emas, Sergeli deb yuritilmoqda. Shuningdek, ommaviy axborot vositalari ham tuman nomini aksariyat hollarda Sergeli deb atashi, avtobus va plakatlarda ham Sergeli deb yozilishi xato sanalib, oʻzgartirishga asos deb bilmoqda.

Nomzod mana shu kamchiliklarni inobatga olib, tuman nomida yangicha dunyoqarash va oʻzgarishlarning negizi boʻlishi kerak, degan fikrni ilgari surgan.

"Sergeli — asli Sirgʻali ota tumanining nomi ruslashib ketgan. Tuman nomini oʻzgartirishni va zamonaviy davrga munosib nom berishni taklif etaman. Prezidentimiz tashabbusi va shijoatlarini inobatga olib, yelkadosh boʻlish har birimizning vatan ravnaqi yoʻlidagi majburiyatimizdir. Shunday ekan, zamonaviy yoshlarimizning kelajagi va ona tilimizni sof holda saqlash maqsadida ushbu tumanga Istiqbol deya nom berishni maqsadga muvofiq deb bilaman", deydi nomzod oʻz taklifida.

Asosiy mavzular