14:12 19 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
123 0 0

Hafta davomida respublikada yomgʻir, qor yogʻishi va sovuq havo harorati kutilmoqda. Bu esa yoʻllarda muzlamalar hosil boʻlishiga olib keladi.

TOSHKENT, 26 noya - Sputnik. Toshkent IIBB barcha haydovchilardan transport vositasini boshqarish vaqtida murakkab ob-havo sharoitini hisobga olishlarini, zarurat boʻlmaganda tungi vaqtlarda harakatlanmaslikni soʻramoqda.

"Dovon yoʻlida harakatlanadigan har qanday transport vositasi eng avvalo texnik soz boʻlishi lozim. Bunda, shinalar va isitish moslamasi, rul boshqaruvi hamda tormoz tizimlariga alohida eʼtibor berilishi zarur. Dovon tomon yoʻlga otlangan haydovchilardan oʻzlari va oʻzgalarning xavfsizligi uchun ushbu qoidalarni unutmasliklarini eslatib oʻtamiz. Shundagina togʻli yoʻllar xatarsiz va ravon boʻladi", - deyiladi xabarda.

IIBB xabarida qayd etilishicha, sirpanib tepalikka chiqa olmayotgan aksariyat avtomobillar qish mavsumga tayyorlanmagan. Koʻpchilik haydovchilar yozgi shinalarni qishkisiga almashtirishmagan. Ayrimlarining shinalari xizmat qilish muddatini oʻtab boʻlgan. Bu esa togʻli yoʻlda, qor yogʻganda maʼlum qiyinchiliklarni, muammolarni keltirib chiqaradi.

Asosiy mavzular