15:12 15 Dekabr 2019
Efir
  • RUB149.88
  • EUR10545.67
  • USD9537.55
Shkolniki

"Bolalarni himoyalaymiz": Oʻzbekiston oʻqituvchilar uchun litsenziya tizimini joriy etmoqchi

© Sputnik / Kirill Braga
Yangiliklar
Havola olish
232 0 0

Litsenziyaga ega boʻlgan oʻqituvchilarning maoshlari bunday hujjatga ega boʻlmagan mutaxassislarga qaraganda yuqoriroq boʻladi

TOSHKENT, 3 noya - Sputnik. 2021 1 yanvar sanasidan boshlab Oʻzbekistonda bosqichma-bosqich oʻqituvchilarni litsenziyalash tizimi joriy etiladi, deb xabar qilmoqda Sputnik Oʻzbekiston muxbiri.

"Xalq taʼlimi muassasalari rahbarlari uchun davriyligi 3 yildan iborat, oʻqituvchilar uchun davriyligi 5 yildan iborat majburiy kasbiy litsenziyalash tartibi bosqichma-bosqich joriy etilishi koʻzda tutilgan", - deb xabar qilmoqda muxbir.

Tajriba shuni koʻrsatmoqdaki, oliy oʻquv yurti diplomiga ega mutaxassis har doim ham maktabda dars berishga tayyor boʻlmaydi. Misol uchun, mutaxassisda pedagogik va bolalar bilan ishlash koʻnikmasi yoʻq. Bolalar psixologiyasini bilmaydi. Natijada oʻqituvchi va oʻquvchi oʻrtasida turli nizolar kelib chiqmoqda", - degan xalq taʼlimi vazirining birinchi oʻrinbosari Alisher Umarov.

Taʼkidlanishicha, malaka toifasi boʻlmagan oʻqituvchi kasbiy litsenziya olganidan soʻng uning mehnatiga haq toʻlash shartlari ikkinchi malaka toifasiga ega oʻqituvchilarga tenglashtiriladi.

Litsenziyalash tartibi joriy etish masalasi malakali, bilimli pedagogik mahoratga ega va psixologik bilimga ega oʻqituvchilarni tanlash imkonini beradi, deb taʼkidlagan XTV xodimi.

Shuningdek, litsenziyaga ega boʻlgan oʻqituvchilarning maoshlari bunday hujjatga ega boʻlmagan mutaxassislarga qaraganda yuqoriroq boʻlishi qoʻshimcha qilinmoqda.

Hozirda Oʻzbekiston xalq taʼlimi tizimidagi 466 462 nafar oʻqituvchidan 3,1 %i oliy malaka, 14,6 %i birinchi malaka, 29,4%i ikkinchi malaka toifasiga ega.

Asosiy mavzular