TOShKENT, 23 mar - Sputnik. O‘zbekistonda koronavirus infeksiyasi bilan kasallanganlar soni yana ikkitaga oshdi. Endilikda ular soni 45 nafarga yetdi.
"Ushbu infeksiya aniqlangan ikki fuqaro xorijda bo‘lib koronavirusga chalingan bemorlar bilan yaqin muloqotda bo‘lishgan", - deb xabar qilmoqda Sog‘liqni saqlash vazirligi.
Butunjahon sog‘liqni saqlash tashkiloti 11-mart kuni yangi turdagi COVID-19 koronavirus epidemiyasini pandemiya, deb e’lon qildi. Ayni vaqtda dunyo bo‘yicha uch yuz mingdan ziyod inson ushbu infeksiya bilan bemorlangan, 13 mingdan ziyodi vafot etgan.
