04:45 07 Iyul 2020
Efir
  • RUB142.48
  • EUR11455.78
  • USD10184.73
Yangiliklar
Havola olish
COVID-19 umumjahon pandemiyasi (941)
1143 0 0

Rossiya sogʻliqni saqlash vazirligi koronavirusdan davolanish boʻyicha qaysi dorilardan foydalanish mumkinligi borasida oʻz tavsiyalarini berdi

TOSHKENT, 25 mar - Sputnik. Rossiya Sogʻliqni saqlash vazirligining bosh infektsionisti Yelena Malinnikova koronavirus bilan bemorlangan shaxslarni davolashda ibuprofen preparatidan foydalanish darkor, deb hisoblaydi. Shifokor taʼkidiga koʻra, ushbu preparat xususiyati boʻyicha paratsetamoldan kam emas, deb xabar qildi seshanba kuni "Parlamentskaya gazeta" nashri.

"Ibuprofenni paratsetamol bilan birga koronavirusni yuqtirgan bemorlarga tavsiya tish mumkin va bu masalada biz Butunjahon sogʻliqni saqlash tashkiloti bilan hamfikrmiz", - dedi Malinnikova.

Bundan tashqari, u bemorlarga shifokor tavsiyalariga qatʼiy rioya qilish juda muhimligini yana bir bor eslatdi.

"Faqatgina shifokor ayni vaqtdagi bemorga zarur boʻlgan dori-darmonlarni va samarali davolash usullarini taklif etishi mumkin", - deya tushuntirdi Sogʻliqni saqlash vazirligi vakili.

Maʼlumki, Butunjahon sogʻliqni saqlash tashkiloti (BSST) 19-mart kuni ibuprofenni koronavirus bilan ogʻrigan bemorlarda ishlatmaslik tavsiyasini bekor qilgan edi.

"Butunjahon sogʻliqni saqlash tashkiloti COVID -19ga chalingan bemorlarni davolayotgan shifokorlar bilan maslahatlashmoqda olib bormoqda va ibuprofenning hech qanday salbiy taʼsiri haqida maʼlumot olgani yoʻq, aholining maʼlum guruhlariga nisbatan dorini qoʻllashni cheklaydigan odatiy nojoʻya taʼsirlardan tashqari, albatta. Ayni vaqtda mavjud maʼlumotlarga tayanib, BSST ibuprofendan foydalanishga qarshi tavsiyalar bermayapti", - deyiladi tashkilot press-relizida.

Butunjahon sogʻliqni saqlash tashkiloti 11 mart kuni yangi koronavirus infektsiyasi COVID -19 tarqalishini pandemiya deb eʼlon qildi. BSSTning soʻnggi maʼlumotlariga koʻra, ushbu virusni dunyo boʻyicha 330 mingdan ortiq odam yuqtirgan, 14,5 mingdan koʻprogʻi vafot etgan. Rossiyada koronavirusni yuqtirganlik boʻyicha 495 ta holat qayd etilgan.

25 mart kuni holatiga koʻra, Oʻzbekistonda 55 kishida yangi koronavirus bilan kasallanish holatlari qayd etildi. Ulardan 5tasi davolandi.

Mavzu:
COVID-19 umumjahon pandemiyasi (941)

Asosiy mavzular