TOShKENT, 3 apr - Sputnik. O‘zbekistonda koronavirus infeksiyasini yuqtirgan kishilar soni 221 nafarga yetdi, deb xabar bermoqda Sog‘liqni saqlash vazirligi.
"Ayni vaqtgacha O‘zbekistonda koronavirus infeksiyasi aniqlangan shaxslar soni 16 taga oshib, 221 nafarni tashkil etmoqda", - deyiladi xabarda.
Butunjahon Sog‘liqni saqlash tashkiloti 11-mart kuni yangi turdagi koronavirus infeksiyasi - COVID-19 tarqalishini pandemiya, deb e’lon qilgan edi.
3 aprel soat 09.30 holatiga dunyoning 204 davlatida jami 1 015 877 nafar bemorlarda koronavirus infeksiyasi aniqlangan.
Ulardan 212 992 nafari sog‘aygan, 53 217 nafari vafot etgan, 37 654 nafar bemorlar og‘ir ahvolda qolmoqda.