05:46 14 Iyul 2020
Efir
  • RUB143.88
  • EUR11518.27
  • USD10194.96
Yangiliklar
Havola olish
221 0 0

Xususan, IIVning jazoni ijro etish muassasalari va tergov hibsxonalarida saqlanayotgan shaxslar soni toʻgʻrisidagi maʼlumotlari maxfiylikdan chiqariladi.

TOSHKENT, 26 may - Sputnik. Oʻzbekistonda ozodlikdan mahrum qilish bilan bogʻliq jazoni ijro etish sohasidagi bir qator maʼlumotlar maxfiylikdan chiqariladi.

Bu haqda 22 aprel kuni "Ichki ishlar organlarining ozodlikdan mahrum qilish bilan bogʻliq boʻlgan jazoni ijro etish faoliyatining ochiqligi va oshkoraligini taʼminlash boʻyicha qoʻshimcha chora-tadbirlar toʻgʻrisida" Hukumat qarori qabul qilingan.

Hujjatga muvofiq, ozodlikdan mahrum qilish bilan bogʻliq boʻlgan jazoni ijro etish sohasidagi quyidagi maʼlumotlar maxfiylikdan chiqariladi:

* IIVning jazoni ijro etish muassasalari va tergov hibsxonalarida saqlanayotgan shaxslar soni toʻgʻrisidagi maʼlumotlar;

* IIVning jazoni ijro etish muassasalari va tergov hibsxonalari soni hamda ular joylashgan joy toʻgʻrisidagi maʼlumotlar;

* jazoni ijro etish muassasalarining ishlab chiqarish faoliyati, ular tomonidan nomenklatura boʻyicha va pul bilan ifodalanadigan ishlab chiqarilayotgan tovar mahsulotlari toʻgʻrisidagi maʼlumotlar;

* IIVning jazoni ijro etish muassasalari va tergov hibsxonalarida saqlanayotgan shaxslar orasida oʻlim holatlari soni toʻgʻrisidagi maʼlumotlar;

* jazoni ijro etish muassasalarida saqlanayotgan va tibbiy tusdagi majburiy choralar qoʻllaniladigan mahkumlar soni toʻgʻrisidagi maʼlumotlar.

Asosiy mavzular