TOShKENT, 23-iyul — Sputnik. Yengil vaznda UFC chempioni Xabib Nurmagomedov Instagramdagi sahifasida marhum otasiga murojaat qoldirdi.
May oyi boshida Abdulmanop Nurmagomedov shifoxonaga yotqizilgan edi. COVID-19 fonida uning yuragidagi kasalliklar o‘tkir tus oldi. 3-iyul kuni UFC yulduzining otasi vafot etdi. Uni Dog‘istonning Qizilyurta qishlog‘ida dafn qildilar.
"O‘rningiz juda seziladi. Siz men uchun ham ota, ham do‘st, ham aka, ham murabbiy edingiz. Men nimagaki ega bo‘lsam, sizning saboqlaringiz tufaylidir. Umid qilamanki, siz mendan rozi edingiz", — deb yozib qoldirgan Nurmagomedov.
Sal oldin jangchi menejeri Habib UFCdagi karyerasini davom ettirishini ma’lum qilgan edi. Uning aytishicha, joriy yilda rossiyalik Jasting Getji bilan jang o‘tkazishi rejalashtirilgan.