22:31 20 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
147 0 0

Quduq tubida kislorod yetarli boʻlmaganligi sababli fuqaro sogʻligʻi kutilmaganda yomonlashib qolgan. Unga yordam berishga shoshilgan yana bir fuqaroning ham sogʻligʻi yomonlashgan

TOSHKENT, 23 iyul - Sputnik. Toshkent tumani Favqulodda vaziyat vazirligi xodimlari quduqqa tushib, sogʻligʻi yomonlashgan ikki fuqaro hayotini saqlab qolishdi.

Xabarda aytilishicha, Toshkent viloyati Toshkent tumanida yashovchi A.A. ismli fuqaro oʻz xonadonining darvozasi yaqinida qurilgan oqava suv uchun moʻljallangan chuqurligi 6 metrdan ortiq boʻlgan quduqqa uning ichidagi yogʻochlarni olib chiqish uchun tushgan.

Quduq tubida kislorod yetarli boʻlmaganligi sababli uning sogʻligʻi kutilmaganda yomonlashgan. Unga yordam berish uchun tushgan fuqaro B.U.ning ham sogʻligʻi yomonlashgan.

Shu vaqt quduq ichidan yordam soʻrab kelayotgan ovozni eshitgan fuqaro A.A.ning oʻgʻli qutqaruv xizmatiga qoʻngʻiroq qilgan.

Voqea joyiga zudlik bilan yetib kelgan qutqaruvchilar quduq ichida hushini yoʻqotayozgan ikki nafar fuqaroni yuqoriga olib chiqib, ularga zarur yordamlarni koʻrsatdi.

Shu tariqa ikki nafar fuqaroning hayoti saqlab qolingan.

Iyul oyi boshida Qoraqalpogʻistonda FVV podpolkovnigi Radmir Chimbergenov Nukus shahri markazida joylashgan Kattagar kanalida choʻkib borayotgan 8 yoshlar atrofidagi bolakay va oʻrta yoshdagi erkakni koʻrib qolib, oʻzini suvga otgan va bolakay hayotini saqlab qolishga muvaffaq boʻlgan edi. Erkakni qutqarishning imkoni boʻlmagan.

Asosiy mavzular