TOShKENT, 24-iyul - Sputnik. O‘zbekiston prezidenti Shavkat Mirziyoyev koronavirus pandemiyasiga qarshi kurashishda fidoyilik ko‘rsatgan Ichki ishlar organlari xodimlaridan bir guruhini mukofotladi.
Ichki ishlar xodimlari koronavirus pandemiyasi tufayli yuzaga kelgan murakkab va sinovli kunlarda hayoti va sog‘lig‘ini xavf ostiga qo‘yib, mavjud xatarlarga qarshi kurashish, infeksiya keng tarqalishining oldini olish, yurtimizda sanitar-epidemiologik osoyishtalikni ta’minlash ishlariga qo‘shgan munosib hissasi uchun taqdirlangan.
Faxriy unvon, orden va medallar o‘zining matonati, bilim va salohiyati, professional mahoratini namoyon etib, aholi salomatligini muhofaza qilish, bemorlar hayotini asrash, ularga yuksak e’tibor va g‘amxo‘rlik ko‘rsatish borasidagi alohida xizmatlari, shuningdek, o‘z burchi va qasamodiga sodiq qolib, zimmasiga yuklangan vazifalarni bajarish yo‘lidagi ulkan jasorati va fidoyiligi uchun topshirilmoqda.
"Jasorat" medali bilan
Nafasov Shavkat Nasirovich (marhum) - Ichki ishlar vazirligi Migratsiya va fuqarolikni rasmiylashtirish bosh boshqarmasining bo‘lim boshlig‘i
Shamaxmudov A’loxon Abzalovich (marhum) - Toshkent shahar Ichki ishlar bosh boshqarmasi Moliya va moddiy-texnika ta’minoti boshqarmasi bo‘lim boshlig‘ining o‘rinbosari
"Sodiq xizmatlari uchun" medali bilan
Kamalov Bekzod Nigmatbekovich - Toshkent viloyati Ichki ishlar bosh boshqarmasi 22-sonli jazoni ijro etish koloniyasi bo‘lim boshlig‘i
Kurbanov Begali Turdaliyevich - O‘zbekiston Respublikasi Ichki ishlar vazirligi Transportda xavfsizlikni ta’minlash bosh boshqarmasi muhim topshiriqlar bo‘yicha inspektori
Qahhorov Axmad Azimovich - Buxoro viloyati Buxoro tumani IIB huquqbuzarliklar profilaktikasi bo‘linmasi tayanch punktlari profilaktika katta inspektori
Tirkashev Murodjon Mamurovich - Farg‘ona viloyati Ichki ishlar boshqarmasi patrul-post xizmati va jamoat tartibini saqlash boshqarmasi bo‘linma komandiri
Usmonov Baxtiyor Shermirzayevich - Andijon shahri bo‘yicha Ichki ishlar organlari faoliyatini muvofiqlashtirish boshqarmasi Jinoyat qidiruv bo‘limi tezkor vakili
Xudaykulov Ulugbek Parmonovich - Navoiy viloyati Xatirchi tumani ichki ishlar bo‘limi huquqbuzarliklar profilaktikasi bo‘limi profilaktika katta inspektori
Taqdirlanganlarning to‘liq ro‘yxati bilan ushbu havola orqali tanishishingiz mumkin.