TOShKENT, 29-iyul – Sputnik. Qozog‘iston prezidenti Kasim-Jomart Toqayev mamlakatdagi karantin cheklovlarini keyinchalik bosqichma-bosqich yumshatish sharti bilan yana ikki haftaga uzaytirishga ko‘rsatma berdi. U bu haqda bugun Akordada o‘tkazgan yig‘ilishda ma’lum qilgan.
"Iyul oyida joriy etilgan cheklov choralarining ijobiy ta’sirini yanada kuchaytirish hamda Qozog‘iston va qo‘shni davlatlardagi epidemiologik vaziyatning murakkablashuvi ehtimolini hisobga olgan holda, Kasim-Jomart Tokayev davlat komissiyasiga keyinchalik bosqichma-bosqich yumshatish sharti bilan karantin tadbirlarini ikki haftaga uzaytirishga ko‘rsatma berdi", - deyiladi Akorda saytidagi bayonotda.
Qozog‘istonda o‘tgan bir sutka davomida koronavirusni yuqtirganlik bo‘yicha 1 544 ta holat qayd etilgan, kasallanganlarning umumiy soni 86 192 nafarga yetgan.
Sog‘aygan bemorlar soni 56,6 mingdan ziyodni tashkil etadi. Qurbonlar soni esa 793 nafar.