03:19 03 Dekabr 2020
Efir
  • RUB137.48
  • EUR12473.23
  • USD10427.38
Yangiliklar
Havola olish
128 0 0

Xodjayev 2019 yilning noyabrida Axborotlashtirish va telekommunikatsiyalar sohasida nazorat boʻyicha davlat inspektsiyasining boshligʻi lavozimiga tayinlangandi.

TOSHKENT, 30 iyul - Sputnik. Oʻzbekiston Prezidenti Administratsiyasi huzuridagi Axborot va ommaviy kommunikatsiyalar agentligida prezident administratsiyasi rahbari Zaynilobiddin Nizomiddinov boshchiligida oʻtkazilgan kengaytirilgan yigʻilishda Asadjon Xodjayev AOKAga rahbar etib tayinlandi.

"Majlisda axborot sohasida davlatimiz rahbari tomonidan ilgari surilayotgan ochiqlik siyosatini amalga oshirish, axborot xavfsizligini taʼminlashga oid tizimli ishlarni tashkil qilish, davlat organlari faoliyatining ochiqligini taʼminlashda axborot xizmatlarining nufuzini oshirish va boshqa dolzarb masalalar muhokama qilindi.

Yigʻilishda Asadjon Xodjayevni Prezident Administratsiyasi huzuridagi Axborot va ommaviy kommunikatsiyalar agentligiga direktor etib tayinlash toʻgʻrisidagi Prezident Qarori oʻqib eshittirildi", - deyiladi AOKA bayonotida.

Asadjon Xodjayev 2003–2004 yillarda Oʻzbekiston Respublikasi Prezidenti huzuridagi Milliy xavfsizlik kengashi apparatining yetakchi konsultanti, Axborot-kommunikatsiya texnologiyalari va axborot xavfsizligini rivojlantirish loyihasi rahbari oʻrinbosari lavozimlarida ishlagan.

Asadjon Xodjayev 2004–2011 yillarda Oʻzbekiston aloqa va axborotlashtirish agentligi Bosh direktorining oʻrinbosari, 2011-2012 yillarda Oʻzbekiston Intellektual mulk agentligi Bosh direktori, 2012-2017 yillarda Alisher Navoiy nomidagi Oʻzbekiston Milliy kutubxonasi direktori, Oʻzbekiston Respublikasi bosh vaziri apparati mudiri boʻlgan.

U 2017 yilning martidan avgustigacha Oʻzbekiston Respublikasi prezidenti Davlat maslahatchisi oʻrinbosari – Oʻzbekiston Respublikasi prezidenti matbuot xizmati rahbari boʻlgan.

Keyinroq Oʻzbekiston birinchi prezidenti Islom Karimov nomidagi Ilmiy-maʼrifiy yodgorlik majmuasi rahbarining birinchi oʻrinbosari, 2018 yil avgust oyidan Axborot xavfsizligi va jamoat tartibini taʼminlashga koʻmaklashish markazi direktori lavozimlarida faoliyat koʻrsatgan.

Xodjayev 2019 yilning noyabrida Axborotlashtirish va telekommunikatsiyalar sohasida nazorat boʻyicha davlat inspektsiyasining boshligʻi lavozimiga tayinlangandi.

Asosiy mavzular