12:29 01 Oktyabr 2020
Efir
  • RUB132.07
  • EUR12003.57
  • USD10321.21
Yangiliklar
Havola olish
189 0 0

Xalq taʼlimi vazirligi 2020-2021 oʻquv yili boshlanishidan oldin Toshkentdagi barcha hamda viloyatlardagi mingga yaqin maktab oʻquvchilarning ota-onalariga qogʻoz kundalik xarid qilish oʻrniga, uning elektron muqobili Kundalik.com'ga obuna boʻlish zarurligini maʼlum qilmoqda

TOSHKENT, 12 avg - Sputnik. Yangi oʻquv yilidan boshlab Oʻzbekistonning 1200ta maktabida qogʻoz kundaliklar va jurnallar bekor qilinadi, deb xabar bermoqda Xalq taʼlimi vazirligi matbuot-xizmati.

"Bu bir tomondan oʻqituvchilarni qogʻoz jurnallarni toʻldirish va hisobotlarni qoʻlda yozishga ketadigan vaqtlarini iqtisod qilish bilan birga ota-onalar va maktab orasida elektron hamkorlikni yanada yuqori darajaga koʻtarishga xizmat qiladi. Elektron kundalik sizlarga onlayn rejimda maktabdagi barcha voqealar va farzandingizning baholaridan xabardor boʻlish, sinf rahbarlari va boshqa oʻqituvchilar bilan aloqani ushlab turish hamda bolaga taʼlim jarayonidagi qiyinchiliklarni yengib oʻtishiga oʻz vaqtida yordam berish imkonini yaratadi", - deb qoʻshimcha qilingan vazirlik rasmiy bayonotida.

Kundalik.com TAS-IX zonasida joylashgan boʻlib, platforma bilan ishlaganda barcha operatorlar, jumladan mobil operatorlar tomonidan internet-trafik sarflanmaydi.

Foydalanuvchilar haqidagi hamma maʼlumotlar "Oʻzbektelekom" serverlarida saqlanadi.

Taʼkidlanishicha, ushbu tizimga toʻliq oʻtish orqali, ota-onalar sinf rahbari bilan Telegram va boshqa messenjerlar orqali bogʻlanishiga xojat qolmaydi, natijada unga ketayotgan trafik ham iqtisod qilinadi va Telegram orqali shaxsiy maʼlumotlarni tarqab ketishi oldi olinadi.

Xalq taʼlimi vazirligi 2020-2021 oʻquv yili boshlanishidan oldin Toshkentdagi barcha hamda viloyatlardagi mingga yaqin maktab oʻquvchilarning ota-onalariga qogʻoz kundalik xarid qilish oʻrniga uning elektron muqobili Kundalik.com'ga obuna boʻlish zarurligini maʼlum qiladi.

Elektron Kundalik joriy etilayotgan Respublikaning qolgan hududlaridagi maktablardagi ota-onalarga maktab maʼmuriyati tomonidan bu haqda eʼlon qilinadi.

Kundalik.com'ga obuna boʻlish bahosi qogʻoz kundalikning oʻrtacha bahosiga teng (bir yilga 10 ming soʻm). Dastlabki oy davomida ota-onalar tizimdan sinov tariqasida foydalanish imkoniyati mavjud.

Asosiy mavzular