22:42 20 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
118 0 0

Loyiha kompaniyasi ishlab chiqarilgan elektr energiyasini kafolatlangan tarzda faqat "Oʻzbekiston milliy elektr tarmoqlari" AJga sotadi

TOSHKENT, 12 avg - Sputnik. Sirdaryo viloyatida yangi issiqlik elektr stantsiyasi quriladi. Bu haqda Oʻzbekiston prezidentining "Sirdaryo viloyatida quvvati 1 500 MVt boʻlgan yangi issiqlik elektr stantsiyasi qurilishini tashkil etish chora-tadbirlari toʻgʻrisida"gi qarori qabul qilindi, deb xabar bermoqda Energetika vazirligi matbuot xizmati.

Qarorga muvofiq, Investitsiyalar va tashqi savdo vazirligi, "The International Company for water and power projects" (Saudiya Arabistoni) (Investor) va "Acwa Power Sirdarya" MCHJ (Loyiha kompaniyasi) oʻrtasidagi Sirdaryo viloyatida quvvati 1 500 MVt boʻlgan bugʻ-gaz elektr stantsiyasini qurish boʻyicha investitsiya bitimi tasdiqlandi. Investitsiya bitimi u imzolangan kundan eʼtiboran kuchga kiradi (2020 yil 6 martda imzolangan).

Qaror bilan "Oʻzbekiston milliy elektr tarmoqlari" AJ va Loyiha kompaniyasi oʻrtasidagi Elektr energiyasini sotib olish toʻgʻrisidagi bitim maʼqullandi. Loyiha kompaniyasi ishlab chiqarilgan elektr energiyasini kafolatlangan tarzda faqat "Oʻzbekiston milliy elektr tarmoqlari" AJga sotadi.

Investitsiya loyihasini amalga oshirish doirasida Loyiha kompaniyasiga, istisno tariqasida, quyidagi huquqlar beriladi:

kreditlash, chet el valyutasidagi mablagʻlarni olish va ulardan foydalanish uchun chet eldagi xorijiy banklarda hisobvaraqlar ochish hamda respublikadagi hisobvaraqlaridan xorijdagi hisobvaraqlariga pul mablagʻlari oʻtkazish;

Oʻzbekistonning tashqarisidagi xorijiy pudratchilar, yetkazib beruvchilar yoki xorijiy kreditorlarga toʻlovlarni Oʻzbekistondagi bank hisobvaraqlari orqali toʻgʻridan-toʻgʻri amalga oshirish.

Loyiha doirasida samaradorligi 60 foizdan yuqori H/J sinfidagi eng zamonaviy bugʻ-gaz qurilmalari qoʻllaniladi. Elektr stanttsiyasi yiliga 10 milliard kVt.s.dan ortiq elektr energiyasini ishlab chiqaradi. Shu bilan birga, tabiiy gazning yillik tejash darajasi 2,0 milliard m3 dan oshadi.

 

 

Asosiy mavzular