07:46 24 Sentyabr 2020
Efir
  • RUB136.28
  • EUR12210.60
  • USD10315.62
Yangiliklar
Havola olish
43810

Italiyaning billur ishlab chiqaruvchi kompaniyasi Usmon Qurʼonini, shuningdek, markaziy zallardagi avizolarni joylashtirish uchun Islom tsivilizatsiyasi markazida billur pavilon yaratishni taklif qilmoqda.

TOSHKENT, 14 avg - Sputnik. Islom tsivilizatsiyasi markazi italyan oynalari va billur buyumlari bilan bezatiladi, deb xabar qilmoqda "Dunyo" axborot agentligi. 

 

Xabarga koʻra, Markazni yaratish jarayonida Oʻzbekistonning Rimdagi elchixonasi ushbu sohaga yetakchi italyan kompaniyalarini loyihada ishtirok etishga jalb qilish boʻyicha ish olib borgan.

Xususan, Italiya va Yevropaning "iDogi" (venetsiya shisha va billurlaridan yirik mahsulotlarni ishlab chiqarish), "Margraf" (tabiiy marmar ishlab chiqarish va oʻrnatish), "Lasvit" (shisha va yoritish buyumlari), GTArchitects (arxitektura va interyer dizayni) va Novello Giardini (landshaft dizayni) kabi kompaniyalari bilan hamkorlikda ish olib boriladi. Ularning vakillari bir necha marotaba Oʻzbekistonga tashrif buyurgan va dunyoda oʻxshashi boʻlmagan ITSM kompleksini yaratishga qaratilgan eksklyuziv takliflarni taqdim etishgan. 

Karantin cheklovlari tufayli ushbu loyiha boʻyicha muloqotni davom ettirish uchun mamlakatimizning Rimdagi diplomatik vakolatxonasi Iatliyaning "iDogi" kompaniyasi bilan Oʻzbekiston qurilish vazirligi, Toshkent shahar maʼmuriyati, ITSM direktsiyasi va "Trest 12" qurilish kompaniyasi rahbarlari va mutaxassislari ishtirokida videokonferentsiya oʻtkazildi.

Konferentsiya davomida "iDogi" bosh direktori Domeniko Kaminiti va maxsus loyihalarni ishlab chiqish boʻyicha menejer Silviya Formentin kompaniyaning batafsil taqdimotini tayyor mahsulotlarning eng yaxshi namunalari galereyasida virtual tashrif buyurish bilan bir qatorda kompaniyaning ITSM boʻyicha takliflarini taqdim etdilar.

Xususan, "iDogi" asl Usmon Qurʼonini, shuningdek, markaziy zallardagi avizolarni joylashtirish uchun ITSM da billur pavilon yaratishni taklif qilmoqda. Pavilon va avizalar eksklyuziv dizayni boʻyicha xuddi shu uslubda billurdan, sharqona naqshli venetsiya oynasidan, malaxit va lapis lazuli bilan bezatiladi.

 Onlayn uchrashuv ishtirokchilari Toshkentda barpo etilayotgan ITSM uchun "iDogi" mahsulotlarining badiiy uslubi, ranglari va parametrlarini birgalikda koʻrib chiqish va kelishish uchun maʼlumot va materiallar almashishni kelishib oldilar. Oʻzbekiston va Italiyada karantin cheklovlari olib tashlanganidan soʻng respublikaga jalb qilingan tashkilotlar va italiya kompaniyasi vakillari delegatsiyalarining tashriflari almashinuvi boʻlib oʻtadi

Asosiy mavzular