18:53 18 Sentyabr 2020
Efir
  • RUB137.65
  • EUR12194.82
  • USD10295.33
Yangiliklar
Havola olish
58610

Belarus rahbari Lukashenko norozilik namoyishlari toʻlqini Ittifoq davlati hududiga tarqalib ketishidan haqotirda.

TOSHKENT, 15 avg - Sputnik. Belarus prezidenti Aleksandr Lukashenko Minskda oʻtkazilgan yigʻilishda respublikada yuzaga kelgan ijtimoiy-siyosiy holatga izoh berdi, u shuningdek, rossiyalik hamkasbi Vladimir Putin bilan namoyishlar masalasini muhokama qilmoqchi, deb xabar qildi shanba kuni Belta agentligi. RIA Novosti xabari asosida.

"Nima boʻlayotganini koʻrib turibmiz. Bizni tinch aktsiyalar va namoyishlar bilan allalashni keragi yoʻq. Biz ularning negizida nima roʻy berayotganini koʻryapmiz. Juda yaxshi koʻrib turibmiz. Qolaversa, rangli inqiloblar metodichkalarini oʻqiganmiz va hozir chetdan aralashuv elementlari paydo boʻldi", - dedi Lukashenko.

Yetakchining soʻzlariga koʻra, hozirda Belarusga qarshi agressiya keng avj olmoqda.

"Rossiya prezidenti, Putin bilan bogʻlanish kerak, u bilan hozir gaplashib olishim zarur. Nega deganda, bu faqatgina Belarus uchun tahdid emas. <…> Men shuni aytmoqchimanki, Belarus himoyasi, bu bizning butun hududimi, Ittifoqdosh davlat himoyasidan kam emas. Boshqalarga oʻrnak boʻladi. Agar belaruslar dosh berolmasa, bu toʻlqin ular tomonga qarab yoʻnalish oladi. Shu uchun ham bizga yopishib olishgan", - deb qatʼiy taʼkidladi Lukashenko.

Belarus rahbarining soʻzlariga koʻra, miting ishtirokchilarining aksariyati, allaqachon, oʻzi nimalarga qoʻl urayotganini anglamay qolgan.

"Oʻsha, koʻchalarda kezib yurganlarning aksariyati, nimalar roʻy berayotganini anglamay qolgan. Ularni muvofiqlashtirib va yoʻnaltirib turganlar buni yaxshi bilib turibdi. Koʻrib turganingizdek, baʼzida professional ishlashayapti: postanovka kadrlar, feyklar tarqalayapti. Emishki, Moskvada menga tegishli uyni topishibdi. Hozir omma oldida shuni aytmoqchimanki: todingizmi - u sizga, ovoling. Men hatto, Belarusda oʻzim yashaydigan qishloqdagi rasmiy qarorgohdan tashqari koʻchmas mulkka ega emasman. Yoʻq, ular mana shu feyklarni boshlashlari kerak. Emishki, kechadan oldin mamlakatni tark etganmishman, tagʻin yo oʻldiga yo kasalga chiqarishdi", – deydi hayron qolib prezident.

Belarusdagi norozilik aktsiyalari, 9 avgust prezident saylovlarida amaldagi davlat rahbari Aleksandr Lukashenko gʻolib boʻlganidan keyin boshlangan edi. MSK maʼlumotlariga koʻra, u 80,1% ovoz olgan. Yakshanba kunidan buyon Minsk va respublikaning boshqa shaharlarida sanktsiyalanmagan ommaviy norozilik namoyishlari davom etmoqda, ammo kuch tuzilmalari namoyishlarni kuch bilan bostirmoqda. Norozilik aktsiyalari ishtirokchilarini tarqatish uchun huquqni muhofaza qilish idoralari koʻz yosh keltiruvchi gaz, shovqin granatasi, rezina oʻqlardan foydalanmoqda. Rasmiy maʼlumotlarga koʻra, mitinglar davomida 6,5 mingdan ortiq odam hibsga olingan.

Belarus IIV tartibsizliklar davomida yuzlab odamlar jabrlangani haqida maʼlum qilgan. Bir nafar odam halok boʻlgan, IIV maʼlumotlariga koʻra, u militsiya xodimlariga qoʻlbola portlovchi qurilmani otishga urinayotib, halok boʻlgan.

Asosiy mavzular