23:01 29 Sentyabr 2020
Efir
  • RUB132.07
  • EUR12003.57
  • USD10321.21
Yangiliklar
Havola olish
189011

Qiz vanna qabul qilishni boshlagan va bir necha daqiqadan soʻng bloger uning qiyqiriqlarini eshitadi. Shundan soʻng u vannadan sochiq oʻrangan holatda chiqadi va maʼlum boʻladiki, ayolning qoʻl va oyoqlari toʻliq koʻkish rangga kirgan edi.

TOSHKENT, 4 sen — Sputnik. YouTube-bloger Kristen Xenbi oʻz sevgan qizi Djesmin bilan hazillashish maqsadida u choʻmilmoqchi boʻlgan vaqtda suv toʻla vannaga matolar uchun moʻljallangan boʻyoqni aralashtirib yubordi. Blogerning ushbu harakati aks etgan prank internet foydalanuvchilarning aksariyatini qattiq gʻazablantirdi, deb xabar qiladi RIA Novosti.

Bloger videoni Instagramda eʼlon qilgan.

Qiz vanna qabul qilishni boshlagach, oradan bir necha daqiqa oʻtib, uning qattiq qichqirigʻi blogergacha yetib keladi. Shundan soʻng tezda qiz u vannadan sochiq oʻrangan holatda chiqib keladi, uning qoʻl va oyoqlari toʻliq koʻkish rangga kirgan edi.

Xenbi qizning ustidan kulib, uni "dunyodagi eng badjahl smurf", deya ataydi.

Foydalanuvchilardan biri ushbu videoni Twitterda boʻlishadi va prankerning bu qiligʻini kulgili deb bilmasligini maʼlum qiladi. Bu fikrni koʻpchilik qoʻllab-quvvatlagan.

"Bu ahmoqona hazil qizni oʻldirishi mumkin edi. Mato uchun moʻljallangan boʻyoq inson jinsiy aʼzolari, koʻzi yoki ogʻziga kirishiga yoʻl qoʻyib boʻlmaydi. Bu oʻta xavfli. Qiz darhol shifokorga murojaat qilmogʻi lozim, chunki bu uning sogʻligʻiga jiddiy ziyon yetkazishi mumkin", - deb yozgan foydalanuvchilardan biri.

Ayrimlar Xenbini qiz bolaga nisbatan oddiy hurmat yoʻqligida ayblagan.

"Qiz unga nima qildi? Bunday narsalar odatda oʻch olish maqsadida amalga oshiriladi, bunday hazillarni hech kim shunchaki qilmaydi", - deya qiziqsinashgan izoh qoldiruvchilar.

Ammo pranker yonini olganlar ham topilgan.

"Oʻylaymanki, shu videoni qoralayotgan qizlarning aksariyati agar yigit shu koʻyga tushganida mazza qilib kulgan boʻlardi", - deb yozgan internet foydalanuvchilardan biri.

Asosiy mavzular