06:37 01 Oktyabr 2020
Efir
  • RUB132.07
  • EUR12003.57
  • USD10321.21
Yangiliklar
Havola olish
179620

Biz ham koʻpayishdik — jajji Shavkatjon, bizning quyoshimiz. Biz u bilan yaqinda tanishdik, lekin birinchi uchrashuvimizdayoq oʻrtada shunchalar kuchli muhabbat paydo boʻldiki, biz kuniga 24 soat birga boʻlamiz :) Onalar buning nima ekanini bilishadi, deb yozadi Saida Mirziyoyeva

TOSHKENT, 11 sen - Sputnik. Oʻzbekiston prezidenti Shavkat Mirziyoyevning toʻngʻich qizi Saida Mirziyoyeva yangi mehmon - oʻgʻli Shavkatjon haqida ilk bor maʼlumot berdi.

"Barchamiz uchun hali-hamon qiyin boʻlsa-da, hayot davom etmoqda. Odamlar toʻylarda xursandchilik qilmoqda, bolalar dunyoga kelmoqda. Biz ham koʻpayishdik — jajji Shavkatjon, bizning quyoshimiz. Biz u bilan yaqinda tanishdik, lekin birinchi uchrashuvimizdayoq oʻrtada shunchalar kuchli muhabbat paydo boʻldiki, biz kuniga 24 soat birga boʻlamiz :) Onalar buning nima ekanini bilishadi. Men esa muhabbatning ayollarga barcha dilxiraliklarga dosh berishi va kechirishiga yordam beruvchi kuch ekani haqida oʻylayman. Baxtli va eng yaxshi damlarni kutish, bolalar oʻsib-ulgʻayguncha yonida boʻlish, ularga tayanch boʻlish va keyin tin olish mumkin. Nima qilsak ham, bizni doim muhabbat boshqaradi.

Hozir oʻgʻlim bilan ertaklar emas, balki yangiliklar sadosi ostida uxlayapmiz. Xotin-qizlar va jurnalistlarga nisbatan sudlov mexanizmi tezkor va shiddatli boʻlib, bor kuchi bilan ishlayotganini koʻrish men uchun ogʻir. Erkaklar va amaldorlarga kelganda bu tizim koʻpincha toʻxtab qoladi. Bir vaqtning oʻzida haqoratlarga munosib javob uchun ozodlikdan mahrum qilish va sakkiz yillik xoʻrlik ostida yashaganlarni yarashuv bilan «jazolash» mumkin emas. Qiz bolaga ojiza va itoatkor boʻlgani uchungina buyumdek qarash, dili ogʻrigan-ogʻrimaganini uning uchun hal qilish mumkin emas. Shaxsiy fikri uchun taʼqib qilish mumkin emas. Agar biz adolat tarafdori boʻlsak, qonun ikkala tomon uchun bir xil ishlasin. Agar biz baxtli mamlakatda yashashni istasak, ayollarni erkaklar prioritetlaridan, jurnalistlarni esa bosimdan himoya qilishimiz kerak", - deb yozgan Saida Mirziyoyeva oʻzining Telegramdagi sahifasida.

U shuningdek, jurnalist va blogerlar sukut saqlamasligiga va boshlangan islohotlarni davom ettirish yoʻlida hissa qoʻshishlariga qatʼiy ishonishini bildirgan. Jamoatchilik fikri kuchiga ishonishini taʼkidlagan.

"Oldinda bizni yaxshi kunlar kutayotganiga ishonaman. Agar har kim oʻz obroʻini saqlagan holda odamlar bilan hisoblashsa, hamma ish adolatli va toʻgʻri boʻladi. Prezident topshirigʻiga koʻra, ayni kunlarda tuhmatni dekriminallashtirish hamda jurnalistlar faoliyatiga toʻsqinlik uchun javobgarlikka oid ikki muhim qonun hujjati ishlab chiqish arafasida. Bu oshkora jamiyat sari tashlangan yana ikki katta qadam boʻladi. Keling, buni birgalikda amalga oshiramiz", - deb qayd etgan Saida Mirziyoyeva.

Asosiy mavzular