18:18 21 Oktyabr 2020
Efir
  • RUB133.19
  • EUR12153.63
  • USD10371.76
Yangiliklar
Havola olish
70820

Gap shundaki, koʻprikning qurilishiga 6,5 mlrd soʻm mablagʻ sarflangan boʻlib, mahalliy aholi OAVdagi chiqishlarida mablagʻ va qurilish materiallarining  maqsadsiz sarflangan boʻlishi mumkinligiga iddao qilmoqda.

TOSHKENT, 3 okt - Sputnik. Surxondaryo viloyati Qumqoʻrgʻon tumanida yangi qurilgan koʻprik quladi. Ayni vaqtda ushbu hodisa keng jamoatchilik muhokamasiga sabab boʻlmoqda.

Gap shundaki, koʻprikning qurilishiga 6,5 mlrd soʻm mablagʻ sarflangan boʻlib, mahalliy aholi OAVdagi chiqishlarida mablagʻ va qurilish materiallarining  maqsadsiz sarflangan boʻlishi mukinligiga iddao qilmoqda.

Sputnik muxbiri Surxondaryo viloyati hokimligining matbuot kotibi Zaxiriddin Toʻrayev bilan bogʻlanib, holat yuzasidan izoh soʻradi.

Maʼlum boʻlishicha, Qumqoʻrgʻon tumani hududidan oʻtuvchi, davlat ahamiyatidagi 4r-105 "Darband-Boysun-Elbayon" avtomobil yoʻlining 76 kilometrida joylashgan, uzunligi 66 pogonametr boʻlgan "Polvontosh" selgasi ustidagi koʻprikning oraliq tayanch ustunlari 1 metrga choʻkib, ustki plitalari qulagan. Natijada koʻprik yaroqsiz holatga kelib, hozirgi kunda ushbu hududdan piyodalar va avtomashinalarning harakati cheklangan.

Mazkur holat yuzasidan "Surxon qurulish nazorat oʻlchov" MCHJ va viloyatavtomobil yoʻllari hududiy bosh boshqarmasi mutaxassilari tomonidan dalolatnoma rasmiylashtirilib, unga koʻra oʻtkazilgan nazorat oʻlchovida pudratchi korxona tomonidan haqiqatda bajarilgan ishlar «Bajarilgan ishlarni tasdiqlovchi schyot-faktura maʼlumotnomasi»ga (Forma-3) qoʻshib yozish holatlari aniqlanmagan.

Obval arochnogo mosta v tayvanskom uyezde Ilan
© REUTERS / COAST PATROL CORPS 1 NORTHERN BR

Loyiha smeta hujjatlariga nisbatan bajarilmagan ishlar xajmi 34 mln 491 ming 265 soʻmni tashkil qilishini va mavjud pudratchi va buyurtmachi oʻrtasida 2014 yil 21 aprelda imzolangan 3/TO-2014-sonli shartnomaning 3-qismi (pudratchining majburiyatlari) 4-bandi pudratchi tomonidan toʻliq bajarilmagani koʻrsatilgan.

Shuningdek, mamlakatda eʼlon qilingan karantin cheklovlari sababli tergov harakatlari oʻtkazishning imkoni yoʻqligi, mazkur holatni oydinlashtirish uchun boshqa shaxslar va mutaxassislardan xulosa olish imkoniyati mavjud boʻlmagani qayd etilgan.

Shu sababli 18 iyul kuni Termiz transport prokuraturasi tomonidan JPKning 83-moddasi 2-bandiga asosan jinoyat ishi qoʻzgʻatishni rad etish haqida qaror qabul qilingan.

Ammo ushbu qaror 29 sentyabr kuni transport prokurori tomonidan bekor qilinib, hozirgi kunda ushbu holat yuzasidan tergovga qadar tekshiruv harakatlari olib borilmoqda.

Asosiy mavzular