16:10 04 Dekabr 2020
Efir
  • RUB137.48
  • EUR12473.23
  • USD10427.38
Yangiliklar
Havola olish
21901

Taʼkidlanishicha, hozirgi paytda Turkmaniston energetika tizimi mutaxassislari havo tarmogʻini ishga qoʻyish borasida sozlash ishlarini olib borishmoqda.

TOSHKENT, 21 okt - Sputnik. Bugun, 21 oktyabr kuni tongda Turkmaniston energetika tizimiga qarashli 500 kVli "Serdar-Mari GRES" deb nomlanuvchi yuqori kuchlanishli elektr tarmogʻi favqulodda oʻchdi, deb xabar qilmoqda "Oʻzbekiston MET" AJ axborot xizmati.

Qayd etilishicha, ushbu havo tarmogʻi orqali Oʻzbekistonga 750 MVtgacha elektr energiyasi importi yetkazib berilayotgan edi. Havo tarmogʻida sodir boʻlgan nosozlik tufayli, avariyaga qarshi avtomatikaning ishlashi oqibatida, Oʻzbekiston energetika tizimida 316 MVt quvvat bilan isteʼmolchilar vaqtincha tarmoqdan uzildi.

Tonggi soat 7:00 dan boshlab elektr stantsiyalardagi mavjud rezerv quvvatlarni oshirish orqali tarmoqdan uzilgan isteʼmolchilarga kuchlanish berish boʻyicha zarur choralar koʻrilmoqda.

Hozirgi paytda Turkmaniston energetika tizimi mutaxassislari havo tarmogʻini ishga qoʻyish borasida sozlash ishlarini olib borishmoqda. "Oʻzbekiston MET" yuzaga kelgan texnik-muhandislik holati uchun isteʼmolchilardan uzr soʻragan.

Oʻzbekiston isteʼmolchilarini elektr energiyasi bilan taʼminlash maqsadida "Issiqlik elektr stantsiyalari" hamda "Oʻzbekgidroenergo" aktsiyadorlik jamiyatlari tarkibidagi bugʻ-gaz qurilmalari hamda gidroinshootlar tomonidan elektr energiyasini ishlab chiqarish jarayoni rejaga muvofiq davom etmoqda va bu mamlakatimizdagi kunlik isteʼmolning asosiy qismini (taxminan 94–97 foizini) qoplaydi.

Turkmanistondan elektr energiyasi import amaliyoti qoʻshni davlat energetiklari tomonidan tez orada bartaraf etiladi, deyilgan xabarda.

Asosiy mavzular