TOShKENT, 29 okt - Sputnik. 29 oktabr soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 66 313 (+113) nafarni tashkil etmoqda, deb xabar bermoqda Sog‘liqni saqlash vazirligi Jamoatchilik bilan aloqalar bo‘limi.
Yangi kasallanish holatlari Respublikaning 11ta hududida aniqlangan.
Shu bilan birga, 2 nafar koronavirusga chalingan bemor vafot etgan.
Ayni paytda O‘zbekistonda 63 446 nafar koronavirus infeksiyasiga chalingan fuqarolar sog‘aygan.
Koronavirusga chalinish bo‘yicha O‘zbekiston MDH davlatlari orasida 7-o‘rinda.
BSST ma’lumotlariga ko‘ra, jahonda ushbu infeksiyani yuqtirgan insonlar soni 44,4 millionga yetgan, 1,1 million kishi qurbon bo‘lgan.
