07:39 28 Noyabr 2020
Efir
  • RUB136.69
  • EUR12344.73
  • USD10414.86
Yangiliklar
Havola olish
777 0 0

Oʻzbekiston IIV maʼlumotlarga koʻra, shu kunlarda ijtimoiy tarmoqlarda islom dinini tahqirlovchi, diniy adovatni qoʻzgʻatuvchi maʼlumotlar tarqatilmoqda

TOSHKENT, 30 okt - Sputnik. Shu kunlarda ijtimoiy tarmoqlarda turli diniy adovatni qoʻzgʻatish va dindorlar orasida murosasizlikni keltirib chiqarishni targʻib qiluvchi maʼlumotlar tarqalmoqda, deya ogohlantirmoqda Oʻzbekiston IIV.

Maʼlumotda aytilishicha, 29 oktyabr kuni ijtimoiy tarmoqlarda oʻzini "ateist", deb tanishtirib, islom dinining ilohiy manbasi va eng muqaddas kitobi - Qurʼoni karimga nisbatan hurmatsizlik aks etgan videolavha tarqalgan. Video keskin bahs-munozara va noroziliklarga sabab boʻlgan.

"Huquq-tartibot idoralari tomonidan olib borilgan surishtiruvlar davomida, mazkur shaxs Mingbuloq tumanidan boʻlgan Sherzod Turdiyev emasligi aniqlandi", - deyiladi xabarda.

Oʻtkazilgan tekshiruv harakatlari natijasida, ushbu videotasvirni suratga olib, ijtimoiy tarmoqlarga joylashtirgan shaxs aniqlanib, tergovga qadar tekshiruv harakatlariga jalb qilingan.

Tekshiruv natijasiga koʻra, mazkur shaxsga nisbatan Oʻzbekiston Respublikasi Jinoyat kodeksining 156-moddasi 2-qismi (Milliy, irqiy, etnik yoki diniy adovat qoʻzgʻatish) bilan jinoyat ishi qoʻzgʻatilib, tergov harakatlari olib borilmoqda.    

Jinoyat ishi boʻyicha tergov natijasiga koʻra, qoʻshimcha maʼlumot berib boriladi.

IIV fuqarolarni mamlakatda diniy bagʻrikenglik va millatlararo totuvlik kabi azaliy anʼanalarga kundalik hayotda amal qilishlarini hamda muqaddas dinni oyoq-osti qilib, aholi orasida ixtiloflar keltirib chiqarishga boʻlgan urinishlar uchun qonunda javobgarlik belgilanganligini eslatib oʻtgan.

Asosiy mavzular