07:51 28 Noyabr 2020
Efir
  • RUB136.69
  • EUR12344.73
  • USD10414.86
Yangiliklar
Havola olish
233 0 0

Shuningdek oʻtgan vaqt mobaynida 16-30 yoshgacha boʻlganlar oʻrtasida ishsizlik darajasi - 17,1 foiz, ayollar oʻrtasida ishsizlik darajasi esa - 14,7 foiz boʻldi.

TOSHKENT, 14 noya - Sputnik. Oʻzbekiston Bandlik va mehnat munosabatlari vazirligi mamlakatda ishsizlik darajasi, migratsiya va mehnat resurslari soni boʻyicha statistik maʼlumotlarni taqdim etdi.

Unga koʻra, joriy yil yanvar-sentyabr oylarida Oʻzbekistonda ishsizlik darajasi 11,1 %ni tashkil etib, joriy yilning birinchi yarim yilligiga nisbatan 2,1 %ga kamaygan.

Shuningdek, 9 oy davomida mamlakatdagi mehnat resurslari soni 19 121,3 ming kishini tashkil etib, 2019 yilning shu davriga nisbatan 100,7 %ga yoki 135,5 ming kishiga oshgan.

Iqtisodiyot tarmoqlarida band boʻlganlar soni 13 205,2 ming kishini tashkil etib, joriy yilning birinchi yarim yilligiga nisbatan 3,7 foizga (468,5 ming kishiga) oshgan.

2020 yilning yanvar-sentyabr oylarida rasmiy sektorda band aholi soni 5 673,8 ming kishini tashkil qilib, joriy yilning yanvar-iyun oylariga nisbatan 1,7 foizga yoki 92,6 ming kishiga oshdi.

Norasmiy sektorda band boʻlganlar soni 5 618,8 ming kishini tashkil etib, joriy yilning yanvar-iyun oylariga nisbatan 9,9 foiz yoki 504,2 ming kishiga ortgan. Bu asosan respublikadan tashqariga ishlash uchun chiqadigan mehnat migrantlarining ichki mehnat bozoriga qaytib kelishi hamda mavsumiy ishlar qishloq xoʻjaligida band boʻlganlarning ortishi evaziga yuzaga kelgan.  

Respublikadan tashqariga ishga ketganlar soni 1 912,6 ming kishini tashkil etgan, bu joriy yilning yanvar-iyun oylariga nisbatan 128,3 ming kishiga yoki 6,3 foizga kamaygan.

Oʻtkazilgan tadqiqot natijalari koʻra, ishga muhtoj boʻlganlarning umumiy soni 1 642,5 ming kishini tashkil etdi. Ishsizlik darajasi iqtisodiy faol aholi orasida 11,1 foizni tashkil etganligini koʻrsatdi. 16-30 yoshgacha boʻlganlar oʻrtasida ishsizlik darajasi - 17,1 foiz, ayollar oʻrtasida ishsizlik darajasi esa - 14,7 foiz boʻldi.

Joriy yil yanvar-sentyabr oylarida respublikamizda iqtisodiy nofaol aholi 4 273,6 ming kishini tashkil etib, joriy yilning birinchi yarim yilligiga nisbatan 3 foizga yoki 130,3 ming kishiga kamaygan.

2020 yilning yanvar-sentyabr oylarida tuman(shahar) Aholi bandligiga koʻmaklashish markazlariga murojaat qilgan 910 201 nafar fuqaroga xizmat koʻrsatilgan.

Murojaat qilgan fuqarolarning 243 946 nafari ish bilan taʼminlangan, 500 449 kishi jamoat ishlariga jalb qilindi, 25 384 nafar ishsizlar kasbga oʻqitilgan, 45 036 nafar fuqaroga ishsizlik nafaqasi tayinlangan, 38 002 kishiga mehnat munosabatlari boʻyicha konsultatsiyalar berilgan.

Shuningdek, Bandlikka koʻmaklashish jamgʻarmasidan ajratiladigan subsidiyalar hisobiga 30 827 nafar oila shaxsiy tomorqalarda,
19 174 nafar fuqaro qishloq xoʻjaligi, tikuvchilik va hunarmandchilik kooperativlarida band qilindi, 7 383 nafar fuqaro tadbirkorlikka jalb etilgan.

Asosiy mavzular