06:20 21 Yanvar 2021
Efir
  • RUB142.66
  • EUR12682.88
  • USD10500.81
Yangiliklar
Havola olish
COVID-19 umumjahon pandemiyasi (1348)
139 0 0

Diplomatning taʼkidlashicha, Hindiston koronavirusga qarshi 3 ta vaktsina yaratish ustida ish olib bormoqda, ulardan 2 tasi ikkinchi, bittasi esa uchinchi bosqich sinov jarayonida.

TOSHKENT, 8 dek - Sputnik. Hindistonning Oʻzbekistondagi elchisi (joriy yil sentyabr oyida tayinlangan, tahr.) Manish Prabxat SSV rahbari Abduhakim Xadjibayev bilan uchrashuvda hind vaktsinalari haqida maʼlumot berdi. Bu haqda SSV matbuot-xizmati xabar bermoqda.

Manish Prabxatning taʼkidlashicha, hozirgi vaqtda Hindiston koronavirusga qarshi 3 ta vaktsina yaratish ustida ish olib bormoqda, ulardan 2 tasi ikkinchi, bittasi esa uchinchi bosqich sinov jarayonida. Elchi kelajakda Oʻzbekiston aholisi uchun ham ushbu hind vaktsinalari foydali boʻlishini taʼkidlab oʻtdi.

Shuningdek, tomonlar kelgusidagi hamkorlik yoʻnalishlarini muhokama qilib oldilar. Jumladan, mavjud investitsiya loyihalarini rivojlantirish va Oʻzbekistonga yangi investorlarni jalb qilish, qoʻshma farmatsevtika ishlab chiqarish obʼyektlarini tashkil etish kabi masalalarga toʻxtalib oʻtildi.

Shuningdek, elchi talabalar almashinuvi dasturi boʻyicha yaqin hamkorlikni yoʻlga qoʻyish yuzasidan takliflarini bildirdi. Uning taʼkidlashicha, Hindiston yoshlarining Oʻzbekistondagi tibbiyot oliy oʻquv yurtlarida oʻqishga qiziqishi tobora ortib bormoqda.

Bundan tashqari, mamlakatlarning xalq tabobatini rivojlantirishga boʻlgan davlat darajasidagi eʼtiborda oʻxshashlik mavjudligi aytilib, ushbu sohadagi hamkorlik yoʻnalishlari muhokama qilindi.

Muloqot davomida Hindiston elchisi prezident rahnamoligida mamlakatda koronavirus infektsiyasiga qarshi kurashish boʻyicha koʻrilayotgan chora-tadbirlarni yuqori baholagan, oʻz vaqtida koʻrilgan choralar COVID-19 oqibatlarini minimallashtirishga sabab boʻlayotgani qayd etgan.

Oʻz navbatida, Oʻzbekiston SSV rahbari hozirda vaziyatning barqarorligi hotirjamlikka berilish uchun asos boʻla olmasligini aytdi. "Koʻpgina boshqa mamlakatlar tajribasiga koʻra, COVID-19ning ikkinchi toʻlqinidan qochib boʻlmaydi degan tushuncha mavjud. Buning uchun mamlakatda unga tayyorgarlik koʻrish boʻyicha ishlar olib borilmoqda", - degan Xadjibayev.

Mavzu:
COVID-19 umumjahon pandemiyasi (1348)

Asosiy mavzular