10:07 19 Yanvar 2021
Efir
  • RUB142.66
  • EUR12682.88
  • USD10500.81
Yangiliklar
Havola olish
538 0 0

Kutilishicha, 2021 yilning birinchi kunida 371 ming bola tugʻiladi. Ularning yarmidan koʻpi - Hindiston, Xitoy, Nigeriya, Pokiston, Indoneziya, Efiopiya, AQSH, Misr, Bangladesh va Kongo Demokratik Respublikasida dunyoga keladi

TOSHKENT, 1 yanv — Sputnik. BMTning Bolalar jamgʻarmasi YUNISEF 2021 yilda dunyoda bolalarning tugʻilishi boʻyicha prognozlarni eʼlon qildi.

Ular taqdim etgan statistikaga koʻra, yangi yilning 1 yanvarida dunyoga kelgan bolakaylar umrining oʻrtacha davomiyligi 84 yoshni tashkil etadi.

Yangi yilda birinchi bola Tinch okeanidagi Fiji arxipelagida dunyoga kelgan. Kutilishicha, 2021 yilning birinchi kunida 371 ming bola tugʻiladi. Ularning yarmidan koʻpi - Hindiston, Xitoy, Nigeriya, Pokiston, Indoneziya, Efiopiya, AQSH, Misr, Bangladesh va Kongo Demokratik Respublikasida dunyoga keladi.

"Bugun dunyoga kelgan bolalar biz ular uchun barpo etadigan dunyoni meros qilib oladilar. 2021 yilda biz adolat, xavfsizlik va salomatlik hukm suradigan dunyoni barpo etishni boshlaylik!, - deb bayonot qilgan YUNISEF ijrochi direktori Genriyetta Fore.

Analitiklarning taxminlariga koʻra, 2021 yilda dunyoda jami 140 million bolakay dunyoga keladi.

Asosiy mavzular