04:44 07 Mart 2021
Efir
  • RUB141.85
  • EUR12661.56
  • USD10517.12
Yangiliklar
Havola olish
650 0 0

Kasallangan bolalarning yarmidan koʻpi (53 foizi) bosh ogʻrigʻidan shikoyat qilgan. Shu bilan birga, ularda qorin ogʻrigʻi ham kuzatilmoqda.

TOSHKENT, 15 yanv - Sputnik. Koronavirus "britancha" shtammi bilan kasallangan bolalarda kuzatilayotgan 5 ta alomat aniqlandi.

Bu haqda AOKAda Koronavirusga qarshi kurashish respublika shtabi aʼzosi Botir Qurbonov ishtirokida oʻtkazilgan brifingda maʼlum qilindi.

"Buyuk Britaniyada aniqlangan va yuqumliligi jihatidan kuchliroq ekani aytilgan COVID-19 ning yangi shtammi bolalarda biroz boshqacha alomatlar bilan kechayotgani aniqlandi. Bu "ZOE Symptom Tracker" ilovasi yordamida olib borilgan tadqiqotlar tufayli maʼlum boʻldi.

Sogʻliqni saqlash boʻyicha mutaxassislarning fikriga koʻra, kasal bolalarning aksariyati charchoqdan aziyat chekadi. Infektsiyani yuqtirgan chaqaloqlarda tez-tez yigʻlash holatlari uchraydi.

Kasallangan bolalarning yarmidan koʻpi (53 foizi) bosh ogʻrigʻidan shikoyat qilgan. Shu bilan birga, ularda qorin ogʻrigʻi ham kuzatilmoqda. Shuning uchun, shifokorlar ota-onalarga qorin boʻshligʻidagi noqulaylik bilan bir vaqtda paydo boʻladigan bosh ogʻrigʻi bor-yoʻqligini bolalaridan soʻrab turishlarini maslahat berishmoqda.

Yana bir alomat — 37 darajadan yuqori isitma. U koronavirusning «britancha» shtammi bilan ogʻrigan bolalarning deyarli yarmida uchradi.

Shuningdek, betob bolalarning 38 foizi tomoq ogʻrigʻidan shikoyat qilganini aniqladi. Bu alomat odatda virusli infektsiyaning belgisi. Tomoqdagi ogʻriq shamollash, gripp yoki COVID-19 ning belgisi boʻlishi mumkin.

Bundan tashqari, kasallanganlarning taxminan 35 foizi ishtahani yoʻqotganini aytishgan. Mutaxassislarning fikriga koʻra, koʻpincha bir yoshga toʻlmagan chaqaloqlar bunga duch kelishadi. Shuning uchun ular ota-onalarga taomni kichikroq qismlarga boʻlib, bolalarni kam portsiya bilan, ammo tez-tez ovqatlantirishni maslahat berishadi».

Asosiy mavzular