16:12 02 Mart 2021
Efir
  • RUB141.85
  • EUR12661.56
  • USD10517.12
Yangiliklar
Havola olish
140 0 0

Olmaota shifoxonasida "Tserebra"ni bor-yoʻgʻi 3 hafta avval qoʻllay boshlagan va u falaj holda keltirilgan yoshi ulugʻ bemor ayol hayoti sifatini saqlashga yordam berdi.

TOSHKENT, 16 fev - Sputnik. Oʻzbekiston Innovatsion sogʻliqni saqlash milliy palatasi va Qozogʻistonning "Cerebra.ai Ltd."sunʼiy intellektdan foydalangan holda insultni ertaroq tashhislash boʻyicha novatorlik ishlab chiqishni joriy etish loyihasini amalga oshirish boshlandi. Bu haqda Oʻzbekiston Innovatsion sogʻliqni saqlash milliy palatasi matbuot xizmati xabar bermoqda.

Birinchi bosqichda Olmaota shahridagi 7-sonli klinik shifoxonada ushbu yangilik joriy etilgan "Tserebra" platformasidan foydalanish natijalari bilan tanishtirish maqsadida tashkil etilgan onlayn tur boʻlib oʻtdi. Milliy palata taklifi bilan onlayn turda uning maslahat kengashi aʼzosi, Oʻzbekiston Sogʻliqni saqlash vazirligi bosh radiologi, tibbiyot fanlari doktori Damir Zaredinov ishtirok etdi.

"Cerebra.ai Ltd." (Qozogʻiston) kompaniyasining ishlanmasi sunʼiy intellektni joriy etish yoʻli bilan insultning dastlabki alomatlari paydo boʻlgan birinchi soatlarda ishemik va gemorragik insultni tashhislash imkonini beradi. Shu bilan koʻpincha birga bemorning hayot sifatini saqlab qolish imkonini beradi.

Onlayn tur davomida ishtirokchilar uning qanday ishlashini koʻrdilar, hamda amaliyotchi shifokorlar fikrini tingladilar. Sunʼiy intellekt 5-7 daqiqada insult shubhasi bilan kelgan bemor kompyuter tomografiyasi (KT) suratlariga ishlov beradi. Neyron tarmoqlarni joriy etish KT suratida inson koʻrib boʻlmaydigan holatlarni — bosh miya qismining  shikastlanishini insultning birinchi soatida koʻrish imkonini beradi. Bunda shikastlanish sohasi va uning miqyosini aniq koʻrsatish imoni mavjud boʻladi. Bu esa neyrojarrohlarga operatsiya zarurligi, hamda uni "terapevtik deraza" davrida — insult sodir boʻlgan dastlabki 4-4,5 soatlarda bajarish haqida tez va aniq qaror qabul qilish imkonini beradi. 

7-sonli shifoxona tomir neyrojarrohligi  boʻlinmasi mudiri Rauan Kastey taʼkidlaganidek, KT suratlariga oddiy ishlov berishda ishemik manba bir sutkadan keyin koʻrinadi.

Olmaota shifoxonasida "Tserebra"ni bor-yoʻgʻi 3 hafta avval qoʻllay boshlagan va u falaj holda keltirilgan yoshi ulugʻ bemor ayol hayoti sifatini saqlashga yordam berdi. Sunʼiy intellekt tufayli shifokorlar bosh miyaning shikastlangan qismini aniq koʻrishga muvaffaq boʻldi, va mexanik tromboekstraktsiyani bajarib, tezda operatsiyaga kirishdi. Bunday tez va aniq yordam natijasida hozir ayol butunlay oʻziga kelgan, bir qator harakat funktsiyalari butunlay tiklangan, reabilitatsiya yaxshi oʻzgarishda davom etyapti. 

Bu eng qimmatbaho vaqt qoʻldan berilmagan payt. Neyrojarrohlarning tajribasi shuni koʻrsatadiki, aynan 4-4,5 «oltin» soat davomida koʻrsatilgan yordam insultda barcha funktsiyalarni qaytarish bilan birga bosh miyada qon aylanishni tiklash imkonini beradi. Shu bilan birga  «Tserebra» operatsiya qilish muhimligi haqida, ayniqsa bemorning holati shifokorlarni shunday xulosaga keltirganda xato xulosa chiqarmaslikka ham yordam beradi.

"Tserebra"ni amalda qoʻllash tajribasini oʻrgana turib, Innovatsion sogʻliqni saqlash milliy palatasi mazkur platformani sunʼiy intellektga asosan Oʻzbekistonda keng yoyilishiga yordam berishni rejalashtirgan.

Asosiy mavzular