O‘zbekiston Badiiy akademiyasining Markaziy ko‘rgazma zalida O‘zbekiston Birinchi Prezidenti Islom Karimovga haykal yaratish bo‘yicha e’lon qilingan Xalqaro tanlov ko‘rgazmasi boshlandi, deb xabar qilmoqda Sputnik muxbiri.
Konkursda ishtirok etayotganlar orasida dunyoning bir necha mamlakatlaridan kelgan tajribali haykaltaroshlar hamda yosh va iste’dodli san’at ustalari ham bor.
“Ushbu ko‘rgazmada namoyish qilingan 70 haykal namunalaridan 10 tasiga alohida e’tibor beriladi deb o‘ylayman. Biz nafaqat Toshkent, Samarqand uchun yodgorliklar yaratishimiz kerak, balkim Moskva uchun ham. Ustiga ustak, yaqinda Navoiy haykali o‘rnatilgan Shanxay universiteti ham O‘zbekiston Birinchi Prezidenti busti o‘rnatish istagini bildirdi. Bu yangilik bizni xursand qildi”, — dedi O‘zbekiston Badiiy akademiyasi raisi Akmal Nur.
O‘zbekiston Birinchi prezidenti Islom Karimovga haykal yaratish tanlovida Janubiy Koreya, Turkmaniston, Germaniya, Italiya, Avstraliya va O‘zbekistondan 58dan ortiq haykaltaroshlar 68 ta haykal namunalarini bilan ishtirok etishmoqda.
Juri a’zolari taqdim etilgan barcha asarlarni 10 ballik tizim bo‘yicha baholanib, g‘olib aniqlanadi. Birinchi o‘rin olgan haykaltarosh 25 ming dollar, ikkinchi o‘ringa —20 ming va uchinchi o‘ringa 15 ming dollar mablag‘ topshiriladi.
Ko‘rgazma o‘z ishini 15-aprelga qadar davom ettiradi.
