15:48 14 Avgust 2020
Efir
  • RUB138.65
  • EUR12059.09
  • USD10231.71
  • Samarqand yarim marafoni AIMS roʻyxatiga kiritilgan va kelasi yildan boshlab xalqaro yugurish poygalari kalendariga kiritiladi. AIMS sertifikati – bu eng yuqori sifat sertifikati hisoblanadi.
© Sputnik / Dilshoda Raxmatova.
Yarim marafon Registon maydonida tashkil etildi.

Kuni kecha azim Samarqand shahri goʻyo ulkan bir sport maydoniga aylandi. Havo ertalab bir oz salqin boʻlishiga qaramay, yoshu-qari, minglab odamlar uchun Xalqaro xayriya yarim marafoni oʻtkazilgan Registon maydoni yugurish maydoniga aylandi.

Butun dunyodan turistlarni oʻziga ohanrabodek tortadigan Samarqandning qadimiy obidalari boʻylab yugurish, sogʻlom hayot tarafdorlari soʻzlariga koʻra, katta zavq bagʻishladi.

Yarim marafonda tajribali sportchilar bilan bir qatorda havaskor yuguruvchilar ham ishtirok etishdi va oʻz imkoniyatlariga qarab - 21 kilometr va 10 kilometr masofaga yugurdilar. Ikki kilometrlik masofada ham oʻzini sinaganlar koʻpchilikni tashkil etdi.

Yarim marafondan tushgan mablagʻ Toshkent teatrlarining birida amalga oshirilayotgan innovatsion loyihaga sarflanadi. Ushbu dasturga koʻra, koʻzi ojiz yoki koʻrish qobiliyati past boʻlgan insonlar uchun Oʻzbekistonda birinchi marta tiflosharhlash texnologiyasi qoʻllaniladi. Texnologiya ekranda, suratda yoki sahnadagi narsalar, koʻrinish va voqealarni ovoz sifatida qisqa, lekin batafsil tushuntirib berishga imkoniyat yaratadi.

Yarim marafonning eng yorqin lahzalarini Sputnik Oʻzbekiston muxbiri fotolentasida tomosha qiling.

Yana fotolavhalar

Asosiy mavzular