Mirziyoyev Turkiya prezidentiga hamdardlik bildirdi

© REUTERS / Kayhan Ozer/Presidential PalaceRajab Toyib Erdo‘g‘on
Rajab Toyib Erdo‘g‘on - Sputnik O‘zbekiston
Obuna bo‘lish
Shavkat Mirziyoyev 29-noyabr kuni Turkiyaning Adana shahrida yuz bergan fojiaviy hodisa munosabati bilan Turkiya prezidenti Rajab Toyib Erdo‘g‘onga hamdardlik bildirdi

TOShKENT, 2 dek — Sputnik. Turkiya prezidentiga hamdardlik bildirildi, deb xabar qilingan O‘zbekiston Tashqi ishlar rasmiy saytida.

"O‘zbekiston Respublikasi Prezidenti vazifasini bajaruvchi Shavkat Mirziyoyev Turkiya Respublikasi Prezidenti Rajab Toyib Erdo‘g‘onga 2016-yil 29-noyabr kuni Adana shahridagi qizlar maktab-internatida yuz bergan fojiaviy hodisa – yong‘in natijasida ko‘plab insonlarning halok bo‘lishi munosabati bilan samimiy ta’ziya izhor etilgan maktub yo‘lladi", — deyiladi xabar matnida.

Maktubda halok bo‘lganlarning va jarohat olganlarning oila a’zolari va yaqinlariga chuqur hamdardlik va dalda so‘zlari izhor qilingan.

Yangiliklar lentasi
0