15:01 22 Oktyabr 2020
Efir
  • RUB133.19
  • EUR12153.63
  • USD10371.76
Siyosat
Havola olish
Oʻzbekistonning yangi prezidenti Shavkat Mirziyoyev: islohotlar va tayinlovlar (72)
229183

Markaziy saylov komissiyasi raisi Shavkat Mirziyoyevni Oʻzbekiston Respublikasi Prezidenti etib saylangani bilan samimiy tabriklab, unga Oʻzbekiston Respublikasi Prezidenti guvohnomasi va Oʻzbekiston Respublikasi Markaziy saylov komissiyasining shahodatnomasini topshirdi

TOSHKENT, 14 dek — Sputnik. Bugun Toshkentda Oʻzbekiston Respublikasi Prezidenti lavozimiga kirishish tantanali marosimiga bagʻishlangan Oliy Majlis palatalarining qoʻshma majlisi ochildi, deb xabar qilmoqda Oʻzbekiston Prezidenti axborot xizmati.

Tantanali marosimda Oʻzbekiston Respublikasi hukumati aʼzolari, vazirlik va idoralar rahbarlari, Markaziy saylov komissiyasi rahbariyati, mamlakatimizdagi xorijiy davlatlar elchixonalari va xalqaro tashkilotlar vakolatxonalari rahbarlari, milliy va xorijiy ommaviy axborot vositalari vakillari ishtirok etmoqda.

Markaziy saylov komissiyasi raisi M.Abdusalomov Shavkat Mirziyoyevni Oʻzbekiston Respublikasi Prezidenti etib saylangani bilan samimiy tabriklab, unga Oʻzbekiston Respublikasi Prezidenti guvohnomasi va Oʻzbekiston Respublikasi Markaziy saylov komissiyasining shahodatnomasini topshirdi.

Oʻzbekiston Respublikasi Konstitutsiyasining 92-moddasiga muvofiq Prezident Shavkat Mirziyoyev qasamyod qildi: “Oʻzbekiston xalqiga sadoqat bilan xizmat qilishga, respublikaning Konstitutsiyasi va qonunlariga qatʼiy rioya etishga, fuqarolarning huquqlari va erkinliklariga kafolat berishga, Oʻzbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman”.

Ayni paytda tantanali marosimda Oʻzbekiston Respublikasi Prezidenti Shavkat Mirziyoyev nutq soʻzlamoqda.

Mavzu:
Oʻzbekistonning yangi prezidenti Shavkat Mirziyoyev: islohotlar va tayinlovlar (72)
Teglar:
nutq soʻzladi, konstitutsiya, Abdusalomov, qasamyod, Mirziyoyev, MSK, prezident, qasamyod, Shavkat Mirziyoyev, Oʻzbekiston

Asosiy mavzular