O‘zbekiston Ichki ishlar organlari xodimlari Xitoyda malaka oshiradilar

© SputnikO‘zbek militsiya xodimlari
O‘zbek militsiya xodimlari - Sputnik O‘zbekiston
Obuna bo‘lish
O‘zbekiston IIV rahbari o‘rinbosari va Xitoy Elchisi o‘rtasida bo‘lib o‘tgan uchrashuv davomida ikki mamlakat huquqni muhofaza qilish organlari o‘rtasidagi hamkorlikni yanada rivojlantirish borasida muzokara olib borildi

TOShKENT, 8 sen — Sputnik. O‘zbekiston Ichki ishlar organlari xodimlari Xitoyda malaka oshiradilar. Bu haqda O‘zbekiston IIV matbuot-xizmati xabar berdi.

O‘zbekiston IIV Akademiyasida rus va xitoy tillari kurslari tashkil etiladi
O‘zbekiston Respublikasi Ichki ishlar vaziri birinchi o‘rinbosari, general-mayor Davron Nazarmuxamedov Xitoyning O‘zbekistondagi elchisi Sun Lisze boshchiligidagi delegatsiya a’zolarini  qabul qildi.

Muloqot avvalida Sun Lisze elchixonaning yangi tayinlangan XXR Jamoat xavfsizligi vazirligi rasmiy vakili Lyu Tunpinni tanishtirdi.

Tomonlar mamlakatlar o‘rtasida turli ijtimoiy sohalarda, shuningdek xavfsizlikni ta’minlash masalalarida o‘zaro foydali munosabatlar tobora taraqqiy etib borayotganini ta’kidladilar.

Uchrashuvda tomonlar ikki mamlakat huquqni muhofaza qilish organlari o‘rtasidagi hamkorlikni yanada rivojlantirish bo‘­yicha o‘zaro fikr almashishdi. Jumladan, O‘zbekiston ichki ishlar organlari xodimlarini Xitoyda o‘qitishni davom ettirish, turli yo‘nalishlarda oso­yishtalik posbonlari uchun malaka oshirish kurslarini tashkil etish maqsadida XXR yetakchi mutaxassislarining O‘zbekistonga tashrifi bo‘­yicha takliflar bildirildi.

Abdusalom Azizov – O‘zbekiston IIV rahbari - Sputnik O‘zbekiston
General-mayor Azizov O‘zbekistonda Xitoy yaratgan xavfsiz shahar tizimi joriy etilishini aytdi
Bundan tashqari, XXRning O‘zbekistondagi Favqulodda va muxtor elchisi xizmat burchini bajarish chog‘ida halok bo‘lgan O‘zbekiston xodimlari oila a’zolarini Xitoyga yana sayohat uyushtirish taklifini bildirdi.

O‘zaro ishonch ruhida o‘tgan muzokaralar chog‘ida tomonlar ikki tomonlama hamkorlikni mustahkamlashga, o‘zaro manfaatli masalalar bo‘yicha doimiy aloqa o‘rnatishga va muntazam ravishda axborot almashib turishga kelishib oldilar.

Uchrashuv yakunida elchixonaning XXR Jamoat xavfsizligi vazirligi rasmiy vakilligida o‘z faoliyatini yakunlagan Nashunbayarga va yangi tayinlangan Lyu Tunpinga milliy urf-odatlarga mos ravishda iltifot ko‘rsatildi, deyiladi xabarda.

Yangiliklar lentasi
0