TOShKENT, 14 noya — Sputnik. Odilxon Bakiyevich Rustamov Toshkent viloyati hokimining Sanoatni rivojlantirish, iqtisodiyot va tadbirkorlik masalalari bo‘yicha birinchi o‘rinbosari etib tayinlandi, deb xabar qilindi viloyat hokimligining rasmiy saytida.
Odilxon Rustamov 2001-2005 yillarda Toshkent shahar Chilonzor, Uchtepa tumanlari davlat soliq inspeksiyasi boshlig‘i, 2005-2009 yillarda Toshkent shahar davlat soliq boshqarmasi boshlig‘i o‘rinbosari, Xorazm va Jizzax viloyati davlat soliq boshqarmalari boshlig‘i, 2009-yilning martidan 2016-yil martiga qadar Davlat soliq qo‘mitasi raisi o‘rinbosari lavozimida ishlagan.
2016 —2017 yillarda "O‘zbekoziqovqatxolding" xolding kompaniyasiga raislik qilgan. Joriy yilning iyul oyidan Toshkent shahar Shayxontohur tumani hokimi lavozimida ish boshlagan.
