12:09 18 Fevral 2018
Efir
Prezident Respubliki Uzbekistan Shavkat Mirziyoyev

"Men 10 ming mahkumni afv etishga tayyor edim" - Mirziyoyev

© Press-slujba prezidenta RUz
Siyosat
Havola olish
237580

Oʻzbekiston prezidenti mamlakat tarixida birinchi marta mahkumlarni afv etish toʻgʻrisida farmonni imzoladi. "Men 10 mingtaga ham tayyor edim. Ammo mahkumlarning aksariyatining dunyoqarashi oʻzgarmagan ekan", - dedi Farmonga sharh berib oʻtgan Mirziyoyev

TOSHKENT, 8 dek — Sputnik, Dilshoda Rahmatova. "Bugungi tarixiy sana arafasida men Prezident sifatida oʻzimning konstitutsiyaviy vakolatimdan foydalanib, sudlar tomonidan hukm qilingan 2 ming 700 nafar shaxsni avf etish toʻgʻrisidagi Farmonni imzoladim. Bunday Farmon Oʻzbekiston tarixida birinchi marta qabul qilindi", — dedi tantanali tadbirda soʻzlagan nutqi davomida Oʻzbekiston prezidenti Shavkat Mirziyoyev.

Prezident bu safar mamlakatda har yili qoʻllaniladigan amnistiya aktlaridan nega voz kechilganini tushuntirib oʻtdi.

"Amnistiyaning asosiy mazmuni shundan iboratki, u avval jinoyatlar toifasini belgilab beradi, keyin esa ana shu jinoyatlar toifasiga tushadigan shaxslar aniqlanadi. Albatta, amnistiya jinoyat sodir etgan odamlarni kechirish boʻyicha muhim mexanizmlardan biri. Biroq, tahlillar shuni koʻrsatmoqdaki, oldindan chuqur oʻrganmasdan turib javobgarlikdan ozod qilishni belgilash qilmishiga pushaymon boʻlmagan, yetkazilgan zararni toʻliq qoplamagan shaxslar ham amnistiya doirasiga kirib qolishiga sabab boʻlgan. Bu masalada, ming afsuski, korruptsiya holatlari ham yoʻq emas", — dedi Mirziyoyev.

Prezident shuningdek, bunday holatlar ozod etilgan kimsalarda jazoni his etmaslik, "bizga hamma narsa mumkin", degan notoʻgʻri kayfiyatning shakllanishiga olib kelganini qoʻshimcha qildi.

"Ana shu holatlarni inobatga olib, maxsus komissiya tomonidan jazo oʻtayotgan har bir shaxs bilan alohida suhbat oʻtkazildi, u yashagan mahalla ahli, jabrlangan odamlarning fikri oʻrganildi.

Bu jarayonda sodir etilgan jinoyatning ogʻirlik darajasi, sud tayinlagan jazoning qanchalik adolatli ekani ham eʼtiborga olindi. Chuqur tahlil va oʻrganishlar natijasida chin koʻngildan pushaymon boʻlgan, jinoyatni bilib-bilmay sodir etgan, tuzalish yoʻliga qatʼiy oʻtgan mahkumlarning aniq doirasi belgilandi va aynan shunday shaxslar avf etildi", — dedi prezident.

Mirziyoyev oʻz nutqi davomida, 2700 nafar emas, balki 10 ming nafar mahkumni kechirishga tayyor boʻlganini aytib oʻtdi.

"Men 10 mingtaga ham tayyor edim. Ammo aksariyatining dunyoqarashi oʻzgarmagan ekan, qolaversa jamiyatimiz hali bunga tayyor emas. Buning uchun jamiyatimizda afv etilayotgan mahkumlarni kafillikka olish muhiti va masʼuliyati toʻla qaror topishi kerak.

Oʻylaymanki, Prezident tomonidan kechirilgan har bir shaxs oʻziga bildirilgan yuksak ishonchni oqlab, yurtimizda amalga oshirilayotgan keng koʻlamli islohotlarga munosib hissa qoʻshadi, jamiyatda oʻz oʻrnini topadi", — ishonch bildirdi Mirziyoyev.

Asosiy mavzular