18:54 27 May 2018
Efir
  • EUR9396.79
  • RUB128.37
  • USD7997.95
Vstrecha Abdulaziza Kamilova s Xasan Ruxani

Eron prezidenti Hasan Ruhani Oʻzbekiston delegatsiyasini qabul qildi

© MID Uzbekistana
Siyosat
Havola olish
372 0 0

Oʻzbekiston delegatsiyasi Shavkat Mirziyoyevning Eron prezidenti Hasan Ruhani va Eron xalqiga samimiy tilaklarini yetkazdi.

TOSHKENT, 11 fev – Sputnik. Eron Islom Respublikasi prezidenti Hasan Ruhani 10 fevral kuni Abdulaziz Kamilov boshchiligidagi Oʻzbekiston delegatsiyasini qabul qildi, deb xabar qilmoqda TIV matbuot xizmati.

Boʻlib oʻtgan suhbat davomida mintaqaviy muammolar, xususan Afgʻonistondagi vaziyat yuzasidan fikr almashildi. Afgʻoniston inqirozini siyosiy hal qilish jarayonini boshlash uchun birgalikdagi xalqaro saʼy-harakat muhimligi qayd etildi. Eron rahbari Afgʻoniston boʻyicha xalqaro konferentsiya oʻtkazishga doir Oʻzbekiston tashabbusini qoʻllab quvvatladi.

Shuningdek, Oʻzbekiston va Eron prezidentlarining 2017-yil 10-sentyabrda Ostona shahridagi uchrashuvida erishilgan kelishuvlarni amalga oshirish nuqtai-nazaridan ikki tomonlama aloqalarni rivojlantirish istiqbollari muhokama ham qilindi.

Oʻzbekiston delegatsiyasi Shavkat Mirziyoyevning Eron prezidenti Hasan Ruhani va Eron xalqiga samimiy tilaklarini yetkazdi.

Eslatib oʻtamiz, Oʻzbekiston tashabbusi bilan Toshkentda mart oyida "Afgʻoniston — tinchlikka yoʻl" mavsusida xalqaro anjuman boʻlib oʻtishi eʼlon qilingan edi. Anjumanga BMT va YEI vakillari, Rossiya, Xitoy, AQSH, Hindiston, Eron, Pokiston, Turkiya, Saudiya Arabistoni hamda Markaziy Osiyo mamlakatlari TIV rahbarlari taklif etiladi.

Asosiy mavzular