TOShKENT, 26 fev — Sputnik. O‘zbekiston TIV rahbari Abdulaziz Kamilov "Rossiya segodnya" XAA muxbirining Toshkentda bahorda Afg‘oniston bo‘yicha bo‘lib o‘tadigan anjumanda nimalar muhokama qilinishi va qaysi davlatlar kelishni rejalashtirayotgani haqidagi savolga javob berdi.
Siyosatchi bu masala shu paytgacha ko‘plab turli formatlar, guruhlar, kompozitsiyalar doirasida muhokama qilinganini qayd etib o‘tdi. Ayrim tafovutlarga qaramasdan, umuman olganda, barcha formatlarda gap bir xususda borgan. Chunki hamma bu muammoning harbiy yechimi yo‘qligini tushunishadi.
"Markaziy hukumat bilan muzokaralar stoli atrofiga to‘planib, oldindan shartlar qo‘ymasdan, dialogni boshlash vaqti keldi. Agar ikkala tomonning qandaydir savollari bo‘lsa, u holda, bu shunday dialoglar jarayonida muhokama etilishi mumkin. Dialogning boshlanishini xohlaymiz", — deb aniqlik kiritdi O‘zbekiston TIV rahbari.
Kamilovga ko‘ra, bu jarayon, muzokaralar formati, muzokaralar o‘tkaziladigan joy va vaqt Afg‘oniston tomon, afg‘on xalqi tomonidan belgilanishi kerak.
Bundan tashqari, xalqaro tashkilotlardan — BMT va Yevropa Ittifoqi ishtiroki kutilmoqda. Shuningdek, anjumanda ishtirok etish istagini bildirgan qator yevropa davlatlari ham bor — bular Buyuk Britaniya, Germaniya, Fransiya va Italiya.
Shubhasiz, Markaziy Osiyo mamlakatlari ham bunda to‘liq ishtirok etishadi va bu Tashqi ishlar vazirlari darajasidagi uchrashuv bo‘ladi.
