14:50 20 Avgust 2019
Efir
  • RUB138.47
  • EUR10092.14
  • USD9061.00
Tszyan Yan, Posol KNR v Uzbekistane

Oʻzbekistondagi Xitoy elchisi "Bir kamar, bir yoʻl" loyihasi istiqbollari haqida gapirdi

© Sputnik / Ramiz Baxtiyarov
Siyosat
Havola olish
45350

Bugun Toshkent shahrida Oʻzbekiston va Xitoy: "Bir kamar bir yoʻl tashabbusini birgalikda amalga oshirish istiqbollari" mavzusida xalqaro konferentsiya oʻtkazildi. Anjumanda Xitoy va Oʻzbekiston oʻrtasidagi iqtisodiy, savdo, investitsiyalar, transport, turizm, ilm-fan va madaniy aloqalar muhokama qilindi

TOSHKENT, 14 may — Sputnik, Dilshoda Rahmatova. Joriy yilda "Bir kamar, bir yoʻl" tashabbusi ilgari surilganining 5 yilligi nishonlanmoqda. Besh yil davomida xalqaro jamoatchilikning faol qoʻllab-quvvatlashi va ishtiroki tufayli "Bir kamar, bir yoʻl" qurilishida zoʻr natijalarga erishildi, dedi dushanba kuni Xitoyning Oʻzbekistondagi elchisi Tszyan Yan.

Elchining soʻzlariga koʻra, "ayni vaqtda 100 dan ziyod mamlakatlar va xalqaro tashkilotlar ushbu buyuk ishga jalb etilgan. Shulardan 69tasi Xitoy bilan hamkorlik toʻgʻrisida shartnoma imzolagan".

"Bu katta qiziqish — loyiha barcha mamlakatlar manfaatlariga tamomila mos tushganligini bildiradi. Ushbu loyiha tufayli barcha mamlakatlar farovonligi ortadi. Avvaliga Xitoy tomonidan ilgari surilgan ushbu tashabbus endilikda butun dunyo boʻylab oʻz mevasini bermoqda", — dedi diplomat.

Tszyan Yan shuningdek, Oʻzbekiston Qadimgi ipak yoʻlidagi muhim bogʻlovchi tugun ekanligini, aynan Oʻzbekiston ushbu loyiha tashabbusini qoʻllab-quvvatlagan birinchi davlatlardan biri boʻlganligini alohida taʼkidlab oʻtdi.

Shuningdek, Oʻzbekistondagi Xitoy elchisi bu yil XXR ochiq siyosatning 40 yilligini nishonlashini, mana shu yillar tajribasi faqatgina ochiqlik siyosati taraqqiyotga xizmat qilishini koʻrsatganini aytib oʻtdi.

"Xitoy va Oʻzbekiston hamkorlik borasidagi salohiyati va istiqboli nihoyatda ulkan. Xitoy tomoni "Bir kamar bir yoʻl" qurilishi doirasida Oʻzbekiston bilan hamkorlikni mustahkamlashga umid bildiradi", — dedi diplomat.

Oʻzbekistonlik yosh ekspert Temur Nazarov Sputnik Oʻzbekiston muxbiri bilan suhbatda "Bir kamar, bir yoʻl" tashabbusini Oʻzbekiston iqtisodiga katta foyda keltiradigan "ulkan loyiha", deb baholadi.

"Buyuk Ipak yoʻli boʻylab rivojlanish tendentsiyalarini davom ettirish, iqtisodiy hamkorlikning yangi mexanizmlarini ishlab chiqish, jalb etilgan davlatlarning iqtisodiy taraqqiyoti, turli tsivilizatsiyalar oʻrtasidagi aloqalarni mustahkamlash, tinchlik va barqaror rivojlanishga koʻmaklashish mazkur dasturning asosiy maqsadi hisoblanadi. Buyuk Ipak yoʻli yoʻnalishidagi mamlakatlar oʻrtasida savdo-iqtisodiy hamkorlikni yanada rivojlantirish maqsadida tashkil etilgan "Bir kamar, bir yoʻl" loyihasi Oʻzbekistonning ham iqtisodiy imkoniyatlarini rivojlantirish va namoyish etishda muhim ahamiyatga ega boʻladi", — dedi u.

Asosiy mavzular