14:04 11 Dekabr 2019
Efir
  • RUB149.88
  • EUR10545.67
  • USD9537.55
Andrey Grozin

Grozin: terrorchilar tarmoqli biznes modeli boʻyicha ishlashni boshladilar

Foto: Institut stran SNG
Siyosat
Havola olish
350 0 0

Yangi tuzilmada bitta filialning yoʻq qilinishi butun tarmoqning fosh etilishiga olib kelmaydi, nega deganda turli davlatlardagi boʻlinmalar oʻzaro deyarli bogʻlanmagan, deb hisoblaydi siyosatshunos Grozin

TOSHKENT, 14 dek - Sputnik. MDH davlatlari Oʻrta Osiyo Instituti boʻlimi rahbari Andrey Grozin jangarilar faoliyati strategiyasiga izoh berdi.

Sal oldin SHHT mintaqaviy aksilterror tuzilmasi ijroiya qoʻmitasi rahbari Yevgeniy Sыsoyev terrorchilar material-texnik qoʻllab-quvvatlash va moliyaviy kanal manbalarini yangi, kengaytirilgan shaklda tashkil etayotgani haqida aytgan edi. Sыsoyevga koʻra, terrorchilar mintaqaviy filiallar faoliyati asosida oʻz ishlarini tarmoqlashgan biznes holatiga keltirishmoqda.

Sputnik Tojikiston radiosi efirida Grozin - terrorizmga qarshi kurash samaradorligining pasayishi - taʼqiqlangan tashkilotlarning tarmoqli tizimda ishlashga oʻtgani bilan bogʻliq, deb aytdi.

"Terrorchilar yangi biznes-strategiyalardan foydalanishni boshlashdi. Tabiiyki, markaz va filiallar bilan aniq aloqani yoʻlga qoʻygan tarmoqli terroristik tuzilmalarni standart tashkilotlardan koʻra yoʻqotish murakkabroq. Yangi tuzilmada bitta filialning yoʻq qilinishi butun tarmoqning fosh etilishiga olib kelmaydi, nega deganda turli davlatlardagi boʻlinmalar oʻzaro deyarli bogʻlanmagan. Yaʼni, bu yerda qadimiy grek afsonalarida boʻlgani kabi, ushbu tuzilmalarni ajdar tishlariga oʻxshatish mumkin - ularni uzib yerga tashlashingiz bilan yangilari paydo boʻladi", - dedi siyosatshunos.

Grozinga koʻra, Afgʻonistonda "Al-Qoida" jangarilari oʻtib olgan tarmoqli strategiya - oʻziga xos "qora tuynuk"ni tashkil etadi. Bugun ham deyarli hech narsa oʻzgarmagan. Grozin terrorchilar oʻz ishlarini bosh markaz bilan aloqaga chiqmagan holda yangi texnologik vositalar yordamida muvofiqlashtirishlrini qoʻshimcha qildi.

Asosiy mavzular