Germaniyaga tashrif: Mirziyoyev Berlinda kim bilan muzokara o‘tkazadi

© Sputnik / Igor Zarembo / Mediabankka o‘tishVidi Berlina
Vidi Berlina - Sputnik O‘zbekiston
Obuna bo‘lish
Berlinda Federal prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan muzokaralar o‘tkaziladi.

TOShKENT, 15 yanv – Sputnik. O‘zbekiston Respublikasi prezidenti Shavkat Mirziyoyev 2019-yil 20-22 yanvar kunlari rasmiy tashrif bilan Germaniya Federativ Respublikasida bo‘ladi. Bu haqda O‘zbekiston prezidenti matbuot xizmati xabar qildi.

Germaniya poytaxti Berlin shahrida Federal prezident Frank-Valter Shtaynmayer, Federal kansler Angela Merkel va Bundestag Raisi Volfgang Shoyble bilan muzokaralar o‘tkaziladi.

Kun tartibidan siyosiy muloqotni yanada mustahkamlash, savdo-iqtisodiy, investitsiyaviy va moliyaviy hamkorlikni rivojlantirish, qo‘shma dastur va loyihalarni amalga oshirish, madaniy-gumanitar, fan-ta’lim va turizm sohalaridagi aloqalarni faollashtirish kabi masalalar o‘rin olgan. 

O‘zbekiston Germaniya fuqarolari uchun vizani bekor qildi

Shuningdek, xalqaro va mintaqaviy siyosatning dolzarb masalalari yuzasidan fikr almashiladi. 

Munxen shahrida O‘zbekiston prezidentining Bavariya bosh vaziri Markus Zoder, shuningdek, Germaniyaning yetakchi ishbilarmon va moliyaviy doiralari vakillari bilan uchrashuvlar o‘tkazishi rejalashtirilgan.

Tashrif doirasida iqtisodiyot, moliya, investitsiya, innovatsiya, ilm-fan, texnika, ta’lim va madaniyat sohalarida hamkorlikka oid ikki tomonlama qator hujjatlar imzolanishi ko‘zda tutilgan.

Yangiliklar lentasi
0